Qazaqstan Respýblikasynyń halyqaralyq uiymdarmen yntymaqtastyǵy jónindegi komissiianyń 56-shi otyrysy videokonferentsiia arqyly ótti, dep habarlaidy QR SIM baspasóz qyzmeti.
Otyrystyń qorytyndysy boiynsha Qazaqstan Respýblikasynyń halyqaralyq uiymdarǵa, ámbebap halyqaralyq sharttardyń atqarýshy organdaryna jáne basqa da halyqaralyq organdarǵa mindetti múshelik jáne erikti jarnalaryn tóleý josparlary bekitildi.
Komissiia músheleri Qazaqstannyń halyqaralyq uiymdarǵa qatysýyn qamtamasyz etýge arnalǵan qarjy qarajatyn utymdy paidalaný máselesin qarastyryp, tiimsiz jáne mańyzy az shyǵyndardy anyqtaý jáne qysqartý jónindegi jumysty jalǵastyrýǵa sheshim qabyldady.
Otyrys barysynda QR Saýda jáne integratsiia ministrliginiń, QR Tsifrlyq damý, innovatsiialar jáne aeroǵarysh ónerkásibi ministrliginiń, QR Ádilet ministrliginiń jáne QR Tótenshe jaǵdailar ministrliginiń halyqaralyq uiymdarmen ózara is-qimyl boiynsha esepteri tyńdaldy.
