Qazaqstannyń Halyq partiiasy janynan halyq únine qulaq asyp, el ishindegi túitkildi máselelermen ainalysatyn «Halyq keńesi» qurylady.
Bul týraly atalǵan partiianyń jańa tóraǵasy Aiqyn Qońyrov málim etti, dep habarlaidy "Ult aqparat".
«Biz «Halyq keńesin» qurýdy qolǵa alyp jatyrmyz. Ondaǵy maqsat - halyqtyń muń-muqtajyn bizdiń partiia arqyly joǵaryǵa jetkizý. Onda kez kelgen adam óz máselesi, suraqtarymen qatar ideialaryn ortaǵa sala alady. Iaǵni partiianyń múshesi bolý mindetti emes. Odan bólek, keńes quramynda túrli sala sarapshylary bolady. Biz halyq keńesinde kóterilgen máselelerdi jergilikti jáne atqarýshy organdardyń aldyna shyǵaratyn bolamyz. Elimizdiń barlyq oblys ortalyqtarynda partiianyń filialy bar, sol jerlerde ár óńirdiń óz halyq keńesi jumys isteidi», - dedi A. Qońyrov tilshilerdiń suraqtaryna jaýap bere turyp.
Sondai-aq, tóraǵa jýyrda partiianyń sailaýaldy baǵdarlamasynyń bekitiletinin aitty.
«Bizdiń bastamamyz aiqyn jáne kedergilerdi jeńetinimizge senimdimiz. 2021 jyly ótetin Májilis pen Máslihat sailaýynda da jeńiske jetemiz degen oidamyz. Bizdiń sailaýaldy baǵdarlamamyzda basty basymdyq eldegi áleýmettik máselelerdi sheshýge baǵyttalady. Aldaǵy 23 qarasha kúni elordada jańa ataý alǵan partiiamyzdyń kezekten tys XVI sezin ótkizýdi josparlap otyrmyz. Sol jerde partiianyń sailaýaldy baǵdarlamasy bekitiletin bolady», - deidi ol.
Aita ketsek, buǵan deiin atalǵan partiianyń ataýy ózgergeni týraly habarlaǵan bolatynbyz.
