Premer-ministr Asqar Mamin Májiliste maquldanyp, Senatqa joldanǵan Ekologiia kodeksi óndiriske qaýipsiz tehnologiialardy engizýge múmkindik beretinin málim etti, dep habarlaidy "Ult aqparat".
«Eldegi ekologiialyq jaǵdaidy jaqsartý - Memleket basshysy Qasym-Jomart Toqaevtyń qoiǵan mańyzdy mindetterdiń biri. Álemniń kóptegen eli ekologiialyq qaýipsizdikti qamtamasyz etý jáne qorshaǵan ortany qorǵaý boiynsha joǵary maqsattardy alǵa qoiady. Osyǵan orai eń ozyq álemdik tájiribeni eskere otyryp, jańa Ekologiia kodeksi ázirlendi, onda «lastaýshy tóleidi – túzeidi» degen qaǵida bekitilgen. Kodeksti biyl qabyldaýǵa tyrysý kerek», - dedi Asqar Mamin Úkimet otyrysynda.
Onyń aitýynsha jańa retteýshi júieniń sheńberinde óndiriske jańa ekologiialyq qaýipsiz tehnologiialardy engizýge jol ashady.
«Ekologiia problemalary eldiń barlyq óńirlerinde qoǵammen talqylandy, ekologiialyq jaǵdaidy jaqsartý boiynsha óńirlik jol kartalary bekitildi. Olardy iske asyrý, ozyq tehnologiialardy engizý, jańa ekologiia kodeksi normalaryn oryndaý 2024 jyly atmosferanyń lastaný indeksin tómendetýge, jalpy ekologiialyq jaǵdaidy jaqsartýǵa múmkindik beredi. Budan basqa, 2025 jylǵa deiin ormandardyń aýmaǵyn 500 myń gektarǵa ulǵaityp, 2 mlrd-tan astam aǵash otyrǵyzý josparlanǵan. Sondai-aq Nur-Sultan, Almaty, Shymkent, Atyraý, Aqtóbe, Taraz qalalarynda qoqys óńdeitin zaýyttardyń 6 pilottyq jobasyn iske qosý josparlanyp otyr. Bul keminde 200 mlrd teńge jeke investitsiia tartýǵa jáne qatty turmystyq qaldyqty óńdeý úlesin 30 paiyzǵa deiin jetkizýge múmkindik beredi», - dedi ol.
