2020 jyldyń jeti aiynda elimizdiń farmatsevtika ónerkásibinde óndiris kólemi 23,2 paiyzǵa ósti, dep habarlaidy "Ult aqparat".
«Búgingi tańda meditsinalyq betperdeler óndirisiniń kólemi táýligine 1,2 mln danany quraidy. Bul ishki naryqtyń qajettiligin tolyǵymen jabady. Jyl sońyna deiin farmatsevtikalyq kompaniialar atalǵan kórsetkishti táýligine 1,5 mln danaǵa deiin arttyrýdy josparlap otyr», - delingen QR Indýstriia jáne infraqurylymdyq damý ministrliginiń aqparatynda.
Vedomstvo málimetinshe, ósim «Dolce - Pharm» JShS-da shyǵarylatyn ónim kóleminiń 67 paiyzǵa artýymen bailanysty. Búginde atalǵan farmatsevtikalyq kompaniia meditsinalyq betperdelerdiń iri óndirýshileriniń biri bolyp sanalady. «Dolce-Pharm» toqylmaǵan materialdardan túrli betperdeler shyǵarady. ⠀
Mysaly, kómir súzgisi bar maskalarda talshyqty belsendirilgen kómirden turatyn biregei súzgi materialy qoldanylady. Bul súzgi materialynyń tehnologiialyq ereksheligi 99,5 paiyz taza kómirtekti qamtidy jáne ziiandy bólshekterdi sińire alady. Mundai materialdyń bir grammy 200 mg ziiandy zattardy ustap qalýǵa qabiletti. Kómir súzgisi bar betperdeler súzgish element arqyly ziiandy bólshekter, molekýlalar men virýstardyń enýine jol bermeidi. «Kómir» maskasynyń ádettegiden aiyrmashylyǵy, adamdy 4 saǵat boiy qorǵaidy jáne onda tynys alý ońai. Sonymen qatar, óndiris oshaǵy 3 qabattan turatyn birrettik betperdeler jáne Fish-Type betperde respiratorlaryn shyǵarady.
Sondai-aq 7 aidyń qorytyndysy boiynsha «Himfarm» AQ-da oń nátijelerge qol jetkizildi, óndiris kólemi 9 paiyzǵa ósti. «SQ-Farmatsiia» biryńǵai distribiýtory arqyly tegin meditsinalyq kómektiń kepildik berilgen kólemi aiasynda dárilik zattar men meditsinalyq buiymdardy jetkizý ulǵaityldy. Qazirgi ýaqytta zaýyt antibiotikterdiń sterildi untaqtary, ampýladaǵy inektsiialyq eritindiler, infýziialyq eritindiler, tabletkalar, kapsýlalar, sashadaǵy untaqtar, siroptar túrinde generik dári-dármekteriniń 113-ten astam túrin shyǵarady. Óndiristik protsestiń barlyq kezeńderi testileýden ótedi jáne mikrobiologiialyq tazalyqqa sertifikattalady. Ónimniń sapasy qazirgi zamanaýi jabdyqtarmen jabdyqtalǵan kompaniianyń zerthanasynda baqylanady.
