2020 جىلدىڭ جەتٸ ايىندا ەلٸمٸزدٸڭ فارماتسەۆتيكا ٶنەركەسٸبٸندە ٶندٸرٸس كٶلەمٸ 23,2 پايىزعا ٶستٸ, دەپ حابارلايدى "ۇلت اقپارات".
«بٷگٸنگٸ تاڭدا مەديتسينالىق بەتپەردەلەر ٶندٸرٸسٸنٸڭ كٶلەمٸ تەۋلٸگٸنە 1,2 ملن دانانى قۇرايدى. بۇل ٸشكٸ نارىقتىڭ قاجەتتٸلٸگٸن تولىعىمەن جابادى. جىل سوڭىنا دەيٸن فارماتسەۆتيكالىق كومپانييالار اتالعان كٶرسەتكٸشتٸ تەۋلٸگٸنە 1,5 ملن داناعا دەيٸن ارتتىرۋدى جوسپارلاپ وتىر», - دەلٸنگەن قر يندۋسترييا جەنە ينفراقۇرىلىمدىق دامۋ مينيسترلٸگٸنٸڭ اقپاراتىندا.
ۆەدومستۆو مەلٸمەتٸنشە, ٶسٸم «Dolce - Pharm» جشس-دا شىعارىلاتىن ٶنٸم كٶلەمٸنٸڭ 67 پايىزعا ارتۋىمەن بايلانىستى. بٷگٸندە اتالعان فارماتسەۆتيكالىق كومپانييا مەديتسينالىق بەتپەردەلەردٸڭ ٸرٸ ٶندٸرۋشٸلەرٸنٸڭ بٸرٸ بولىپ سانالادى. «Dolce-Pharm» توقىلماعان ماتەريالداردان تٷرلٸ بەتپەردەلەر شىعارادى. ⠀
مىسالى, كٶمٸر سٷزگٸسٸ بار ماسكالاردا تالشىقتى بەلسەندٸرٸلگەن كٶمٸردەن تۇراتىن بٸرەگەي سٷزگٸ ماتەريالى قولدانىلادى. بۇل سٷزگٸ ماتەريالىنىڭ تەحنولوگييالىق ەرەكشەلٸگٸ 99,5 پايىز تازا كٶمٸرتەكتٸ قامتيدى جەنە زيياندى بٶلشەكتەردٸ سٸڭٸرە الادى. مۇنداي ماتەريالدىڭ بٸر گراممى 200 مگ زيياندى زاتتاردى ۇستاپ قالۋعا قابٸلەتتٸ. كٶمٸر سٷزگٸسٸ بار بەتپەردەلەر سٷزگٸش ەلەمەنت ارقىلى زيياندى بٶلشەكتەر, مولەكۋلالار مەن ۆيرۋستاردىڭ ەنۋٸنە جول بەرمەيدٸ. «كٶمٸر» ماسكاسىنىڭ ەدەتتەگٸدەن ايىرماشىلىعى, ادامدى 4 ساعات بويى قورعايدى جەنە وندا تىنىس الۋ وڭاي. سونىمەن قاتار, ٶندٸرٸس وشاعى 3 قاباتتان تۇراتىن بٸررەتتٸك بەتپەردەلەر جەنە Fish-Type بەتپەردە رەسپيراتورلارىن شىعارادى.
سونداي-اق 7 ايدىڭ قورىتىندىسى بويىنشا «حيمفارم» اق-دا وڭ نەتيجەلەرگە قول جەتكٸزٸلدٸ, ٶندٸرٸس كٶلەمٸ 9 پايىزعا ٶستٸ. «سق-فارماتسييا» بٸرىڭعاي ديستريبيۋتورى ارقىلى تەگٸن مەديتسينالىق كٶمەكتٸڭ كەپٸلدٸك بەرٸلگەن كٶلەمٸ اياسىندا دەرٸلٸك زاتتار مەن مەديتسينالىق بۇيىمداردى جەتكٸزۋ ۇلعايتىلدى. قازٸرگٸ ۋاقىتتا زاۋىت انتيبيوتيكتەردٸڭ ستەريلدٸ ۇنتاقتارى, امپۋلاداعى ينەكتسييالىق ەرٸتٸندٸلەر, ينفۋزييالىق ەرٸتٸندٸلەر, تابلەتكالار, كاپسۋلالار, ساشاداعى ۇنتاقتار, سيروپتار تٷرٸندە گەنەريك دەرٸ-دەرمەكتەرٸنٸڭ 113-تەن استام تٷرٸن شىعارادى. ٶندٸرٸستٸك پروتسەستٸڭ بارلىق كەزەڭدەرٸ تەستٸلەۋدەن ٶتەدٸ جەنە ميكروبيولوگييالىق تازالىققا سەرتيفيكاتتالادى. ٶنٸمنٸڭ ساپاسى قازٸرگٸ زاماناۋي جابدىقتارمەن جابدىقتالعان كومپانييانىڭ زەرتحاناسىندا باقىلانادى.
