Qazaqstannyń iri elektr stansalary jylytý maýsymyna tolyq daiyn. Bul týraly búgin «Samuryq-Energo» AQ Óndiris jáne aktivterdi basqarý jónindegi basqarýshy direktory Serik Túitebaev aitty, dep habarlaidy QazAqparat tilshisi.
«Búgingi kúni elimizdiń kómirmen jumys isteitin barlyq elektr stansalarynda normaǵa sáikes paidalanylatyn qatty otyn jinaqtalǵan. «Samuryq-Energo» AQ-nyń barlyq energiia óndiretin jáne energiia taratatyn uiymdary jabdyqtardyń josparlanǵan jóndeý jumystaryn der ýaqytynda aiaqtady. Bekitilgen tártippen kúzgi-qysqy kezeńde jumysqa daiyndyǵy týraly pasporttar alyndy», - dedi ol.
Onyń aitýynsha, holdingtiń «Ekibastuz GRES-1», «Ekibastuz-GRES-2», «Moinaq SES», «Shardara SES», «Almaty elektr stansalary» uiymdary elektr jáne jylý júktemeleri belgilengen kestesiniń oryndalýyn qamtamasyz etip jatyr.
Sonymen qatar, Serik Túitebaev «Bogatyr kómir» JShS jylý berý maýsymyna daiyndyq aiasynda tapsyrys berýshilerdiń barlyq suranysyn oryndaǵanyn atap ótti. Kenishte óndirilgen qatty otynnyń 80 paiyzǵa jýyǵy elektr energiiasy men jylý óndirý úshin respýblikanyń energiia óndirýshi kásiporyndaryna jiberilgen. Jalpy, aǵymdaǵy jyldyń 10 aiynda kenishte 36,5 mln tonna kómir óndirildi.
