Qazaqstan kásiporyndary Iran, Qytai, Vetnam jáne Mysyr elderimen saýda-sattyq kólemin arttyrdy. Bul týraly Qazaqstannyń qant, tamaq jáne qaita óńdeý ónerkásibi qaýymdastyǵynyń prezidenti Aijan Naýryzǵalieva málim etti, dep habarlaidy QazAqparat.
Bishkekte ótip jatqan birinshi Eýraziia ekonomikalyq forýmǵa qatysqan qaýymdastyq basshysy aldymen, sońǵy eki jyldyń halyqaralyq saýdaǵa aýyr tigenin atap ótti.
Onyń aitýynshsha, pandemiia jáne álemdegi geosaiasi jaǵdai Qazaqstannyń syrtqy saýda belsendiligine áserin tigizdi.
«Qytai tarapynan shekteý sharalary bizdiń elimiz úshin úlken kedergi boldy. 2020 jyldan bastap Qazaqstan Úkimeti ótkizý beketteriniń jumysyn jaqsartý úshin Qytai tarapymen dialog júrgizdi. Qazir kóptegen kásiporyn Iran, Qytai, Vetnam jáne Mysarda taýar ótkizýdiń qosymsha naryǵyn izdestirip jatyr. Jalpy, bizdiń elder olardy eksport múmkindikterin arttyrý úshin áleýetti seriktes retinde qarastyryp otyr. Sońǵy eki jylda dál osy eldermen jańa pisken jáne keptirilgen jemis pen kókónis ónimderine, muzdatylǵan jáne salqyndatylǵan et pen tamaq ónimderiniń barlyq assortimentine qatysty saýdanyń ósýi baiqalady», - dedi Aijan Naýryzǵalieva Eýraziia ekonomikalyq forýmda.
Sondai-aq qaýymdastyq basshysy Qazaqstanda qant qyzylshasynyń sorttaryn aýdandastyrý baǵytyndy qazaqstandyq jáne reseilik ǵalymdardyń birlesip jumys istep jatqanyn habarlady.
Spikerdiń málimdeýinshe, Resei Federatsiiasymen ekonomikalyq bailanystardyń keńeiýine qaramastan, qazirgi ýaqytta jetkizý ýaqyty uzartyldy.
Aita keteiik, búgin Bishkekte birinshi Eýraziia ekonomikalyq forým ótip jatyr.
Atalǵan sharaǵa Qazaqstan atynan bir top delegatsiia bardy.
