Foto: QR QMA
Qarjylyq monitoring agenttigi «Qazaqstannyń investitsiialyq qory» AQ zańsyz jekeshelendirý faktisi boiynsha tergeýdi jalǵastyryp jatyr, dep habarlaidy "Ult aqparat" vedomstvonyń baspasóz qyzmetine silteme jasap.
"Tergeý barysynda «Báiterek» «UBH» AQ menshigine quny 63,3 mlrd teńge bolatyn «Qazaqstannyń investitsiialyq qorynyń» (QIQ) 100% aktsiiasyn qaitarý qamtamasyz etildi.
Aita keteiik, sotqa deiingi tergeý bastalǵan kezde Qordyń Qazaqstannyń Damý Banki aldynda 18,7 mlrd teńge kóleminde boryshy bolǵan.
Agenttikpen qabyldanǵan sharalarmen, sonyń ishinde qolma-qol aqshamen óteý esebinen (9,2 mlrd teńge somasyna debitorlyq bereshekti qaitarý qamtamasyz etildi) bereshek úsh esege tómendetildi (18,7 mlrd teńgeden 6,3 mlrd teńgege deiin).
Sonymen qatar 12 enshiles kompaniia Qordyń baqylaýyna qaitaryldy. Bul - metall konstrýktsiialaryn, jol jáne qurylys bitýmyn shyǵarý, shinalardy jáne iri qara maldyń terisin qaita óńdeý, qaǵaz-karton ónimderi, jelimdelgen aǵash konstrýktsiialar, baǵyttamaly burmalardy shyǵarý zaýyttary jáne poligrafiia" - delingen habarlamada.
Vedomstvo málimetinshe, QIQ balansyna Almaty qalasyndaǵy biznes-ortalyqtyń ǵimaraty jáne Almaty oblysyndaǵy quny 1,6 mlrd teńgeden asatyn jer ýchaskeleri qaitarylǵan.
Sondai-aq, «Dosjan Temir Joly» AQ jylyna nebári 100 mln teńgege 10 jyl merzimge senimgerlik basqarýǵa berý týraly shart joiylǵan. Kásiporynnyń 2022 jyldyń qorytyndysy boiynsha taza paidasy 1,3 mlrd teńgeni quraǵanymen, bastapqy baǵalaý kezinde bul eskerilmegen.
Aktivterdi memleket paidasyna qaitarý jónindegi jumys jalǵastyrylady.
