Qazaqstannan gýmanitarlyq kómek retinde jiberilgen meditsinalyq buiymdar men jabdyqtar búgin Bishkekke jetkizildi. Júkti Qyrǵyzstan Densaýlyq saqtaý ministrliginiń mamandary qabyldap aldy, dep habarlaidy "Ult aqparat" Indýstriia jáne infraqurylymdyq damý ministrligine silteme jasap.
Vedomstvonyń málimdeýinshe, gýmanitarlyq kómek quramynda 400 «Tynys» AQ jasaǵan «Kókshetaý-4P» ókpeni jasandy jeldetý mobildi apparaty jáne Almatydaǵy «Dolce pharm» JShS jáne Jambyl oblysynda ornalasqan «Mega pharm» JShS shyǵarǵan 2 mln meditsinalyq betperde bar.
Gýmanitarlyq kómek Qazaqstan Respýblikasynyń Prezidenti Qasym-Jomart Toqaevtyń tapsyrmasyna sai kórsetildi.
Jiberilgen gýmanitarlyq júktiń jalpy quny 400 mln teńgege jýyq. QR Úkimetiniń qaýlysyna sáikes naýqandy Qazaqstan Respýblikasynyń Indýstriia jáne infraqurylymdyq damý ministrligi uiymdastyrdy.
Eske sala ketsek, keshe gýmanitarlyq júk tielgen kólikter attandyrylǵanyn habarlaǵanbyz.
