Halyqaralyq ǵarysh stantsiiasy Qazaqstan aýmaǵynyń ǵaryshtan túsirilgen sýretterin jariialady, dep habarlaidy "Ult aqparat" ǵarysh stantsiiasynyń Instagram jelisindegi resmi paraqshasyna silteme jasap.
«Qazaqstannyń ústinen 264 mil qashyqtyqtan astam biiktikte ainalatyn Halyqaralyq ǵarysh stantsiiasynan túsirilgen kórinis», - delingen fotosýrettiń sipattamasynda.
Aita keteiik, Halyqaralyq ǵarysh stantsiiasy (HǴS) — kóp maqsatty ǵaryshtyq zertteý kesheni retinde paidalanylatyn basqarylatyn orbitalyq stantsiia; 1998 jyldyń aiaǵynan bastap qazirgi ýaqytqa deiin qoldanylýda. HǴS - 14 el, Resei, AQSh, Japoniia, Kanada jáne Eýropalyq ǵarysh agenttigine kiretin Belgiia, Germaniia, Daniia, Ispaniia, Italiia, Niderlandy, Norvegiia, Frantsiia, Shveitsariia, Shvetsiia qatysatyn birlesken halyqaralyq joba.
