Qazaqstannyń energiia júiesi qalpyna keltirildi, dep habarlaidy "Ult aqparat" Úkimettiń resmi saityna silteme jasap.
Úkimet baspasóz qyzmetiniń málimetterine qaraǵanda, 2022 jylǵy 25 qańtarda saǵat 11:59-da (Nur-Sultan ýaqyty boiynsha) Ortalyq Aziianyń energiia júiesindegi elektr energiiasyn tutynýdan generatsiianyń aitarlyqtai aýytqýyna bailanysty 500 kV «Qazaqstannyń Soltústik-Shyǵys-Ońtústik» elektr tranziti shamadan tys júktelgen.
Elektr jelileriniń zaqymdalýyna jol bermeý jáne iri júielik avariiany boldyrmaý maqsatynda «Qazaqstannyń Soltústik-Shyǵys-Ońtústik» elektr tranziti avariiaǵa qarsy avtomatikanyń durys jumys isteýi arqyly bólindi, bul Qazaqstannyń ońtústik aimaǵyndaǵy tutynýshylardyń toqtan tolyq ajyratylýyna jol bermedi. Shtattan tys jaǵdai bolǵan kezde Qazaqstannyń ońtústik aimaǵyndaǵy tutyný kólemi 3200 MVt qurady.
Avariiaǵa qarsy avtomatika áreketimen tutynýshylardy 1300 MVt kóleminde elektrmen jabdyqtai otyryp, Jambyl GRES-i, Shymkent JEO-3, Qyzylorda JEO-6 jáne Almaty oblysynyń elektr stantsiialarynyń jumysyn tolyq toqtatýǵa jol berilmedi. Májbúrli shekteýler 1900 MVt qurady.
50 Gts normativtik jiilikte – Ortalyq Aziianyń energiia júiesindegi jiilik 47 Gts-ke deiin kúrt tómendedi, sonyń saldarynan Ózbekstan men Qyrǵyzstannyń energiia júieleri tolyq óshirildi.
Saǵat 13:39-da Qazaqstannyń ulttyq elektr jelisiniń qalypty shemasy qalpyna keltirildi. Qyrǵyzstannyń energiia júiesimen qatarlas jumys qaita jandandy.
Saǵat 14:53-te Almaty qalasy men Almaty oblysy boiynsha barlyq shekteýler alynyp tastaldy.
Saǵat 15:10-da Jambyl 500 kV, Shymkent 500 kV shaǵyn stantsiialaryna kerneý berildi. Qazaqstannyń ońtústik aimaǵynyń barlyq óńirleriniń tutynýshylaryn elektrmen jabdyqtaý 16:00-de qalpyna keltirildi.
Ýaqytyly qabyldanǵan sharalardyń arqasynda energiia júiesiniń qalypty rejimi jáne tutynýshylardy elektrmen jabdyqtaý qysqa merzimde qalpyna keltirildi.
Ózbekstan men Qyrǵyzstannyń energiia júiesinde tutynýshylar toqtan tolyq óshirildi. Qatarlas jumys aiasynda Qazaqstan tarapynan Ózbekstan Respýblikasyndaǵy avariiany joiýǵa kómek kórsetilip jatyr, óńirlik stantsiialar kezeń-kezeńimen iske qosylyp, elektrmen jabdyqtaý qalpyna keltirilip jatyr.
