Qazaqstan Respýblikasyn ekonomikalyq, áleýmettik-gýmanitarlyq damytýdaǵy asa úzdik jetistikteri úshin «Qazaqstannyń Eńbek Eri» ataǵyn alǵan azamattardyń esimi belgili boldy. Osy rette erekshe belgi iegerleriniń ómirbaiany men eńbegine qysqasha sholý jasap ótsek.
Ahmetjan Esimov
Álbette, biylǵy jyly tabysty ótken «EKSPO-2017» halyqaralyq kórmesi týraly sóz qozǵasaq, Ahmetjan Smaǵululyn ainalyp óte almaimyz. Úsh ai boiy «Astana EKSPO-2017» Ulttyq kompaniiasy» AQ Basqarma tóraǵasy óziniń komandasymen álemdik sharany sátti ótkizýge baryn saldy.
Ahmetjan Esimov 1990-1992 jyldary Qazaq KSR Memlekettik agroónerkásiptik komiteti tóraǵasynyń birinshi orynbasary, 1992-1994 jyldary Almaty oblysy ákimshiliginiń basshysy qyzmetin atqarǵan. 1994-1996 jyldary - QR Premer-ministriniń orynbasary bolyp, 1996-1998 jyldary - Memlekettik hatshy, budan keiingi qyzmetterde QR Premer-ministriniń birinshi orynbasary, Investitsiia jónindegi memlekettik komitettiń tóraǵasy, Prezidenti Ákmishiliginiń basshysy, Beniliýks elderindegi (Belgiia Koroldigi, Niderlandy Koroldigi jáne Liýksembýrg Uly Gertsogtigi) QR Tótenshe jáne Ókiletti elshisi bolǵan.
2006-2008 jyldary QR Aýyl sharýashylyǵy ministri qyzmetterin atqaryp, 2008 jyldyń sáýirinen bastap Almaty qalasynyń ákimi bolǵan edi. 2015 jyldyń tamyzynda «Astana EKSPO-2017» Ulttyq kompaniiasynyń» AQ Basqarma Tóraǵasy bolyp taǵaiyndaldy. «Qurmet belgisi», «Parasat», «Otan», «Qazaqstan Respýblikasynyń Tuńǵysh Prezidenti - Elbasy Nursultan Nazarbaev» ordeni, medaldarmen marapattalǵan.
Rýslan Qýatov
«Qazaqstannyń Eńbek Eri» erekshe belgisin «Teńizshevroil» JShS menedjeri Rýslan Qýatov ta alyp otyr. Munai jáne gaz salasynyń bilgir mamany ári sarapshy «Teńizshevroil» JShS-niń jetistikterimen maqtana alady. Qazaqstandyq munaishylar sheteldik bilikti mamandardy almastyryp, jaýapty basshylyq laýazymǵa taǵaiyndalyp jatyr. Solardyń biri, osy salanyń maitalmany - Rýslan Qýatov. Rýslan Turjanulynyń munai salasynda eńbek etkenine 30 jyldan asyp ketken.
Rýlan Qýatov eńbek jolyn Balyqshy munai-gaz barlaý ekspeditsiiasynda bastaǵan. Mektep kezinen bastap munai-gaz salasyna erekshe qyzyǵýshylyǵy týypty. 1993 jyly Qazaqstandaǵy munai ken oryndarynyń birin igerý úshin sheteldiktermen birlesken kásiporyn qurylyp, Rýslan Qýatov «Teńizshevroil» JShS shaqyrylady. Jumysty bas maman bolyp bastaǵan ol bilimi men tájiribesiniń arqasynda keiin sheteldik mamandy almastyryp, basshylyq qyzmetke taǵaiyndalady.
«Munai óndirisindegi tehnikalyq jabdyqtardyń jumysyn qamtamasyz etýde Rýslan basqaratyn toptyń mańyzy erekshe. Bilikti basshy. Qyzmetkerlerge ylǵi da aǵalyq qamqorlyqpen qaraidy», - deidi Rýslan Qýatovtyń áriptesi Maikl Pilloý.
Jaqsylyq Úshkempirov
Jaqsylyq Ámiráliulyn bilmeitin adam Qazaqstanda kemde-kem. Ol - KSRO-nyń eńbek sińirgen sport sheberi. Ol - Qazaq KSR eńbek sińirgen jattyqtyrýshysy. Ol - Qazaq KSR erkin kúres boiynsha chempiony. Sonymen birge, Álem chempiony (1981), Álem kýbogynyń kúmis júldegeri (1980), Keńes Odaǵy birinshiliginiń eki dúrkin jeńimpazy (1975, 1980). Bir sózben, qazaq atyn álemge pash etken Jaqsylyq Ámiráliuly kez kelgen ataqqa laiyq.
Bala kezinen Qazaq kúresimen ainalysqan ol joǵary oqý ornynda júrgen kezinde kúrestiń klassikalyq jáne erkin túrlerimen shuǵyldana bastaǵan. Keiin Roman Ilmatovtyń keńesimen kúrestiń klassikalyq túrine kóshýdi jón kóredi. Arqadan asyryp laqtyrýda eshkimge ese bermegen Jaqsylyq Ámiráliuly osy ádispen eń myqty qarsylastaryn tize búktirgen eken. 1975 jyly Almatyda ótken altynshy jazǵy halyqtar Spartakiadasynda balýan eń myqty boz kilem sheberlerimen beldesip, chempion atanǵan. Bul Úshkempirovtiń kóterilgen tuńǵysh tuǵyry edi. Budan keiin ol qazaq jerinde jeti dúrkin júldeger atanǵan.
1980 jyly Máskeýde ótken Jazǵy Olimpiada oiyndarynda balýandardyń arasynda Jaqsylyq Úshkempirov te bar edi. Olimpiadanyń jerebe rásiminiń qorytyndysy boiynsha qazaq balýany birinshi beldesýde álemniń eki dúrkin chempiony Aleksandrýǵa túsip qalady. Biraq, qaimyqpaǵan jas balýan eń myqtylardyń qataryndaǵy rýmyn Aleksandrý, poliak Kerpach, bolgar Hristov, vengr Shereshterdi qoǵadai japyryp, jalpaq álemge Qazaq atyn pash etti.
.jpeg)