Qazaqstannyń eksporty 2020 jyly 18,2 paiyzǵa tómendedi. Mundai kórsetkishke Saýda jáne integratsiia vitse-ministri Qairat Tórebaevtyń aitýynsha álemdik pandemiia ákelgen daǵdarys sebep bolyp otyr, dep habarlaidy QazAqparat.
«Byltyr biz álemniń barlyq memleketimen birge kóptegen problemamen betpe-bet keldik. Álemdegi taýar naryǵyndaǵy suranys ótken jyly birshama tómendedi, júk tasymaldaý deńgeii de azaidy. Sheteldik biznes-seriktestermen bailanys úzilip qaldy. Jalpy 2020 jyly álemdik saýda 9,2 paiyzǵa azaiǵan. Bizdiń saýda seriktes sanalatyn negizgi 10 memleketpen ekonomikalyq belsendiligimiz ortasha eseppen 2,8 paiyzǵa qysqardy», - dedi vitse-ministr Saýda jáne integratsiia ministrliginiń alqa otyrysynda.
Onyń aitýynsha álemdegi osy ahýal Qazaqstannyń eksportyna da áserin tigizgen. Naqtyraq aitqanda otandyq eksport kórsetkishi 18,2 paiyzǵa tómendegen. Áitse de óńdelgen ónimniń eksporty tek 3,4 paiyzǵa azaiǵanyn atap ótý kerek.
«Munai óndirisi azaiyp, onyń baǵasy quldyrap bara jatqan qazirgi kezeńde ekonomikanyń shikizattyq emes sektorynyń áleýetin arttyrý – bizdiń negizgi mindetimizge ainalyp otyr», - dedi ol.
