Qazaqstan Respýblikasynyń Eýraziia ekonomikalyq odaǵy (EAEO) elderimen saýda-sattyq kólemi 9,6% azaidy, dep habarlaidy "Ult aqparat".
«Qazaqstannyń EAEO elderimen 2020 jylǵy qańtar-qarashadaǵy ózara saýdasy 17660 mln AQSh dollaryn qurap, 2019 jylǵy qańtar-qarashamen salystyrǵanda 9,6% azaidy. Sonyń ishinde eksport – 4966,4 mln AQSh dollaryn (13,5% azaidy), import 12693,6 mln AQSh dollaryn (7,9% azaidy) qurady.
Qazaqstannyń Odaqqa múshe memlekettermen syrtqy saýdasynda kólemi jaǵynan aldyńǵy orynda Resei Federatsiiasy tur – 92,2%. Keiin Qyrǵyzstan – 4,1%, Belarýs – 3,6%, Armeniia – 0,1% elderi ornalasqan.
