Qazaqstan astanasynda jáne birqatar oblystarda aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-ǵa silteme jasap.
Sinoptikterdiń málimetinshe, Aqmola oblysynda 17 maýsymda naizaǵai oinap, burshaq jaýady. Soltústik-shyǵystan, soltústikten jyldamdyǵy 15-20 m/s jel soǵady. Oblystyń basym bóliginde órt tutaný qaýpi bar.
Nur-Sultan qalasynda 17 maýsymda naizaǵai oinap, soltústikten ekpini 15-18 m/s jel soǵady. Eskertýdiń yqtimaldyǵy 85-90%.
Soltústik Qazaqstan oblysynda 17-18 maýsymda túnde jáne tańerteń kei jerlerge tuman túsedi. Naizaǵai oinap, batystan soqqan jeldiń baǵyty soltústikke aýysyp, jyldamdyǵy 15-20 m/s bolýy yqtimal. Petropavlda 17-18 maýsymda batystan soqqan jeldiń baǵyty soltústikke aýysyp, jyldamdyǵy 15-20 m/s bolýy múmkin. Eskertýdiń yqtimaldyǵy 90-95%.
Qaraǵandy oblysynda 17 maýsymda naizaǵai oinap, daýyl soǵady jáne burshaq jaýady. Soltústik-shyǵys, soltústikten soqqan jeldiń ekpini 15-20 m/s bolady. Qaraǵandyda túnde kún kúrkirep, soltústik-shyǵys, soltústikten jyldamdyǵy 15 m/s jel soǵady. Eskertýdiń yqtimaldyǵy 75-80%.
Shyǵys Qazaqstan oblysynyń kei jerlerinde 17 maýsymda naizaǵai oinaidy. Kúndiz burshaq jaýýy múmkin. Soltústik-shyǵys, shyǵystan soqqan jeldiń ekpini 15-20 m/s bolady.
17 maýsym kúndiz Qostanai oblysynda kún kúrkireidi. Soltústik-batys, batystan soqqan jeldiń ekpini 18 m/s-ke jetedi. Eskertýdiń yqtimaldyǵy 90-95%.
