«Qazgidromet» RMK Qazaqstannyń birneshe óńirinde aýa raiyna bailanysty eskertý jariialady, dep habarlaidy "Ult aqparat".
19 sáýir túnde Aqmola oblysynyń kei jerlerinde burqasyn kútiledi. Soltústik-shyǵystan jel soǵady, jel ekpini kei jerlerde 15-20 m/s, tańerteń jáne kúndiz basym bóliginde 15-20 m/s, kei jerlerde jel ekpini 25 m/s deiin jetedi.
Osy kúni Nur-Sultan qalasynda soltústik-shyǵystan jel soǵady, jel qarqyny sekýndyna 9-14, tańerteń jáne kúndiz 15-20 metrge deiin kúsheiedi.
19 sáýirde Qostanai oblysynyń kei jerlerinde kóktaiǵaq bolyp, tuman túsedi. Soltústik-shyǵystan ekpini 15-20 m/s bolatyn qatty jel turady.
Qostanai qalasynda 19 sáýirde soltústik-shyǵystan soqqan jeldiń jyldamdyǵy 15-20 m/s jetedi.
19 sáýirde Qyzylorda oblysynda ońtústik-batystan soǵatyn jel soltústik-batysqa aýysady, jel kúshi 15-20, kei jerlerde 23-28 m/s bolady. Túnde kei jerlerde kóktaiǵaq, naizaǵai saqtalady.
19 sáýir kúndiz Túrkistan oblysynyń kei jerlerinde qatty jańbyr jaýady. Kei jerlerde naizaǵai jarqyldap, burshaq jaýýy yqtimal. Ońtústik-batystan, soltústik-batystan soǵatyn jeldiń ekpini 15-20, 23-28 m/s deiin kúsheiedi.
Osy kúni Shymkent qalasynda naizaǵai jarqyldaidy. Ońtústik-batystan, soltústik-batystan soǵatyn jeldiń jyldamdyǵy sekýndyna 15-20 metr bolady.
Túrkistan qalasynda da naizaǵai jarqyldaidy. Ońtústik-batystan jáne soltústik-batystan qatty jel soǵady, jel qarqyny 15-20, 25 m/s jetedi.
19 sáýirde Aqtóbe oblysynyń ońtústiginde táýlik boiy jaýyn-shashyn bolady (kóbinese qar), jaiaý burqasyn, kóktaiǵaq kútiledi. Soltústik-shyǵystan, soltústikten jel soǵady, kei jerlerde jel ekpini 15-20, túnde 23 m/s deiin kúsheiedi.
Aqtóbe qalasynda soltústik-shyǵystan, soltústikten jel soǵady, ekpini 15 m/s deiin jetedi.
