Qazaqstannyń alty oblysynda boranǵa bailanysty avtokóliktiń barlyq túri úshin barlyq baǵytta joldar jabyldy, dep habarlaidy "Qazaqavtojol" RMK.
Aqparatqa sáikes, Aqmola oblysynda aýa raiynyń qolaisyzdyǵynan kóliktiń barlyq túri úshin barlyq baǵytta qozǵalys toqtatyldy.
Shyǵys Qazaqstan oblysynda Pavlodar oblysynyń shekarasy-Besqaraǵai aýyly, respýblikalyq mańyzdaǵy "Omby-Maiqapshaǵai" (667-587 km) tas jolynda qozǵalys jabyldy.
Qaraǵandy oblysynda barlyq baǵyt boiynsha jol qozǵalysy toqtady.
Pavlodar oblysynda barlyq avtokólik túri úshin barlyq baǵytta jol jabyq.
Qostanai oblysynda oblystyq mańyzdaǵy "Arqalyq-Torǵai" (0-287 km), "Áýliekól-Joldama" (0-257 km) avtojoldarynyń ýchaskesinde kóliktiń barlyq túri úshin qozǵalys toqtatyldy.
Soltústik Qazaqstan oblysynda "Astana-Petropavl" (0-341 km) A-1 avtojoly ýchaskesinde, Soltústik Qazaqstan oblysy shekarasynan Kókshetaý baǵytyna shyǵatyn jolaýshylar kólikteri úshin qozǵalys shekteldi. Sondai-aq, Aiyrtaý, Aqjar, Ǵ.Músirepov, Taiynsha, Ýálihanov aýdandarynda avtokóliktiń barlyq túri úshin oblystyq mańyzdaǵy tas joldarda qozǵalys toqtatyldy.
Buǵan qosa, Astana-Ereimentaý-Shiderti, Astana-Nura aýyly, Astana-Qorǵaljyn aýyly, Astana-Nura aýdany arasyndaǵy joldar, Astana-Qaraǵandy oblysynyń shekarasyndaǵy Ekaterinbýrg-Almaty trassasy da jabyq.
Esterińizge sala keteiik, 11 qańtarda Qazaqstan aýmaǵynda qatty jel soǵyp birneshe oblysta jol jabylǵan bolatyn.
