قازاقستاننىڭ التى وبلىسىندا بورانعا بايلانىستى اۆتوكٶلٸكتٸڭ بارلىق تٷرٸ ٷشٸن بارلىق باعىتتا جولدار جابىلدى, دەپ حابارلايدى "قازاقاۆتوجول" رمك.
اقپاراتقا سەيكەس, اقمولا وبلىسىندا اۋا رايىنىڭ قولايسىزدىعىنان كٶلٸكتٸڭ بارلىق تٷرٸ ٷشٸن بارلىق باعىتتا قوزعالىس توقتاتىلدى.
شىعىس قازاقستان وبلىسىندا پاۆلودار وبلىسىنىڭ شەكاراسى-بەسقاراعاي اۋىلى, رەسپۋبليكالىق ماڭىزداعى "ومبى-مايقاپشاعاي" (667-587 كم) تاس جولىندا قوزعالىس جابىلدى.
قاراعاندى وبلىسىندا بارلىق باعىت بويىنشا جول قوزعالىسى توقتادى.
پاۆلودار وبلىسىندا بارلىق اۆتوكٶلٸك تٷرٸ ٷشٸن بارلىق باعىتتا جول جابىق.
قوستاناي وبلىسىندا وبلىستىق ماڭىزداعى "ارقالىق-تورعاي" (0-287 كم), "ەۋليەكٶل-جولداما" (0-257 كم) اۆتوجولدارىنىڭ ۋچاسكەسٸندە كٶلٸكتٸڭ بارلىق تٷرٸ ٷشٸن قوزعالىس توقتاتىلدى.
سولتٷستٸك قازاقستان وبلىسىندا "استانا-پەتروپاۆل" (0-341 كم) ا-1 اۆتوجولى ۋچاسكەسٸندە, سولتٷستٸك قازاقستان وبلىسى شەكاراسىنان كٶكشەتاۋ باعىتىنا شىعاتىن جولاۋشىلار كٶلٸكتەرٸ ٷشٸن قوزعالىس شەكتەلدٸ. سونداي-اق, ايىرتاۋ, اقجار, ع.مٷسٸرەپوۆ, تايىنشا, ۋەليحانوۆ اۋداندارىندا اۆتوكٶلٸكتٸڭ بارلىق تٷرٸ ٷشٸن وبلىستىق ماڭىزداعى تاس جولداردا قوزعالىس توقتاتىلدى.
بۇعان قوسا, استانا-ەرەيمەنتاۋ-شٸدەرتٸ, استانا-نۇرا اۋىلى, استانا-قورعالجىن اۋىلى, استانا-نۇرا اۋدانى اراسىنداعى جولدار, استانا-قاراعاندى وبلىسىنىڭ شەكاراسىنداعى ەكاتەرينبۋرگ-الماتى تراسساسى دا جابىق.
ەستەرٸڭٸزگە سالا كەتەيٸك, 11 قاڭتاردا قازاقستان اۋماعىندا قاتتى جەل سوعىپ بٸرنەشە وبلىستا جول جابىلعان بولاتىن.
