© Photo : Qyzylorda oblysy tótenshe jaǵdailar departamenti
Tótenshe jaǵdailar ministri Iýrii Ilin qatty daýyl saldarynan zardap shekken keibir aýdandarda tótenshe jaǵdai engiziletinin málimdedi.
Al turǵyndarǵa ótemaqy tólenetinin málimdedi, dep habarlaidy Sputnik Qazaqstan tilshisi.
"Daýyldy jel barlyq 9 aimaq arqyly ótken. Qazir kóptegen óńirlerde aýdandyq deńgeide tótenshe jaǵdailar rejimi jariialanatyn bolady. Sóitip, jergilikti biýdjetten buzylǵan infrqurylym men synǵan shatyrlardy qalpyna keltirýge aqsha bólinedi", - dedi Ilin ortalyq kommýnikatsiialar qyzmetinde ótken onlain brifingte.
Ministrdiń aitýynsha, búginde respýblikalyq jáne jergilikti deńgeide tótenshe jaǵdailar rezervteri bar. Sonyń esebinen zardap shekken adamdarǵa ótemaqy tólenedi.
"Jergilikti biýdjette aqsha jetpei jatsa, respýblikalyq biýdjetten tólenedi. Al kólik quraldary boiynsha mindetti saqtandyrý bar. Eger kelisimde tótenshe jaǵdaidan saqtandyrý máselesi qarastyrylsa, saqtandyrý kompaniiasy birtendep ótemaqysyn tóleidi", - dep atap kórsetti Ilin.
Aita keteri, 29-30 naýryz kúnderi respýblikanyń 7 oblysy men 2 qalasynda ekpindi jeldiń saldarynan infraqurylym nysandaryna zaqym kelgen.
Sońǵy málimetke sáikes, bilim berý, densaýlyq saqtaý, turǵyn úiler, jergilikti bilik organdary, quqyq qorǵaý organdary, saýda , ákimshilik jáne basqa da nysandarda 297 shatyr buzyldy.
Tótenshe jaǵdai kezinde 8 adam, sonyń ishinde 3 bala zardap shekti. Tórteýi aýrýhanaǵa jatqyzyldy, qalǵandary tekserýden ótip, úige jiberildi.
Budan bólek, 8 oblystyń 289 eldi mekeninde jaryq óship qaldy. Búgin saǵat 11.00-degi jaǵdai boiynsha 275 eldi mekende elektrmen jabdyqtaý qalpyna keltirildi.
Respýblikanyń úsh oblysyndaǵy 14 eldi mekende 12 709 abonent áli de jaryqsyz otyr.
Aqmola, Aqtóbe, Pavlodar, Qostanai, Qaraǵandy, Atyraý, Almaty, Soltústik Qazaqstan oblystarynda jáne Nur-Sultan, Almaty qalalarynda tótenshe jaǵdaidy joiý jónindegi shtab quryldy.
