Qazaqstannyń 8 oblysynda aýa raiyna bailanysty eskertý jariialandy, dep habarlaidy "Ult aqparat" «Qazgidromet» RMK-na silteme jasap.
Kásiporyn taratqan málimetterge qaraǵanda, 10 qarasha kúni Soltústik Qazaqstan oblysynyń kei jerlerinde kóktaiǵaq, jaiaý burqasyn bolady. Ońtústik-batystan jel soǵyp, kei jerlerde jyldamdyǵy sekýndyna 15-20 metrge, kúndiz ekpini 25 metrge jetedi.
Petropavlda kóktaiǵaq bolyp, ońtústik-batystan jel soǵyp, jyldamdyǵy sekýndyna 15-20 metrge jetedi. Aýa raiy boljamynyń dáldigi 90-95%.
Qostanai oblysynyń kei jerlerinde tuman túsip, kóktaiǵaq, jaiaý burqasyn bolady. Batystan jel soǵyp, jyldamdyǵy sekýndyna kei jerlerde 15-20 metrge jetedi.
Qostanaida batystan sekýndyna 15-20 jyldamdyqpen jel soǵady. Aýa raiy boljamynyń dáldigi 90-95%.
Shyǵys Qazaqstan oblysynyń kei jerlerinde kúndiz qar aralas jańbyr jaýady. Kei jerlerinde tuman túsip, kóktaiǵaq bolyp, jaiaý burqasyn soǵady. Ońtústik-batystan soqqan jeldiń jyldamdyǵy kei jerlerde sekýndyna 15-20 metrge, ekpini 23-28 metrge jetedi.
Óskemende ońtústik-batystan soǵatyn jeldiń kúshi sekýndyna 15-20 metr bolady.
Semeide ońtústik-batystan jel soǵyp, jyldamdyǵy sekýndyna 15-20 metrge jetedi.
Mańǵystaý oblysynyń kei jerlerinde tuman túsedi. Aýa raiy boljamynyń dáldigi 85-90%.
Batys Qazaqstan oblysynyń kei jerlerine tuman túsip, kóktaiǵaq bolady. Jel ońtústik-batystan soltústik-batysqa aýysyp, kei jerlerde jyldamdyǵy sekýndyna 15-20 metrge jetedi.
Oralda túnde jáne tańerteń tuman túsedi. Aýa raiy boljamynyń dáldigi 90-95%.
Qyzylorda oblysynyń kei jerlerinde tańerteń ońtústik-batystan, ońtústikten 15-20 m/s jyldamdyqpen jel turady.
Túrkistan oblysynyń kei jerlerinde tuman túsip, ońtústik - batystan 15-20 m/s jyldamdyqpen jel soǵady.
Aqtóbe oblysynyń kei jerlerinde tuman túsedi. Batystan, ońtústik-batystan, kei jerlerde 16 m/s jyldamdyqpen jel soǵady.
