19-21 qarasha aralyǵynda Qazaqstannyń birqatar oblysynda kún sýytyp, aiaz bolady, dep habarlaidy "Ult aqparat" «Qazgidromet» RMK-ǵa silteme jasap.
19-21 qarasha aralyǵynda Qostanai, Soltústik Qazaqstan oblystarynda aýa raiy 20-25 gradýstan 25-30 gradýsqa deiin, Aqmola men Pavlodar oblysynda 15-20 gradýstan 25-30 gradýsqa deiin tómendep, aiaz bolady. 20-21 qarashada Qaraǵandy oblysynda 22-27, kei jerlerde 25-33, Shyǵys Qazaqstan oblysynda 18-23, kei jerlerde 33 gradýs aiaz bolýy yqtimal.
Daýyldyń yqtimaldyǵy - 95%.
19 qarashada Nur-Sultan qalasynda qar jaýyp, boran soǵýda. Soltústik-batystan soǵatyn jeldiń baǵyty soltústik-shyǵysqa aýysyp, jyldamdyǵy 15-18 m/s-ke jetedi.
IIM TJK kúshteri men quraldary apattyq-qutqarý jumystaryna ázir tur. Vedomstvo azamattardyń aýa raiyn, meteorologiialyq jaǵdailardy qarap, SMS habarlamalarǵa qulaq túrýine keńes beredi. Aýa raiy buzylyp, jol qozǵalysy shektelgen ýaqytta alys jolǵa shyqpaǵan jón.
Eger siz boran nemese qatty aiaz kezinde jolǵa shyǵyp, eldi mekennen alys jerde mashinańyz sónip qalsa, kólikte otyryp «112» nómirinen kómek surańyz.
Aýyldyq jerlerde turatyn turǵyndarǵa aýa raiy qolaisyz kezde alys jerge jaiaý barmaýǵa keńes beredi.
«112» – elimizdiń barlyq óńirlerinde ustaityn biryńǵai qutqarý qyzmetiniń nómiri. Oǵan habarlasý úshin CIM karta men nómirdegi birlik qajet emes.
