Qazaqstan Respýblikasy Mádeniet jáne sport ministrligi Tilderdi damytý jáne qoǵamdyq saiasi jumys komiteti tóraǵasynyń orynbasary Ǵalymjan Meldeshov latyn qarpiniń engizilý kezeńderi týraly aityp berdi.
«Birikken ulttar uiymynda 6 til bar. Olar: ispan, frantsýz, aǵylshyn, orys, qytai, arab tilderi. Sondaǵy úsh til latyn álipbiinde jumys júrgizedi. Osyǵan qarap, latyn jazýynyń álemdik arenadaǵy ornyn baǵamdaýǵa bolady», - deidi ol.
Ǵalymjan Meldeshovtiń aitýynsha, bul jazý bizge tańsyq emes, ótken ǵasyrdyń 30-jyldary qazaq halqy latyn jazýynda oqyp-jazdy. Qazir de birqatar mekemeler latyn qarpin paidalanyp júr.
«QR IIM TJ komiteti óz habarlamalaryn latyn jazýymen taratady. Bankter (Qazkom, Qazaq banki) latyn qarpine kóshti. Baiqasańyz, Koreia, Japoniia elderi óz tilderin, óz jazýlaryn paidalanady. Degenmen, ondaǵy tanymal brendter álemdik standartqa sai latyn jazýyn qoldanýda», - dep atap ótti Tilderdi damytý jáne qoǵamdyq saiasi jumys komiteti tóraǵasynyń orynbasary.
Elbasy 2025 jyly latyn álipbiine tolyq kóshemiz, tutas el memlekettik tilde sóileidi degen oidy aitty. Ǵ. Meldeshovtiń pikirinshe, bul tekten-tek aityla salǵan joq. 2018 jylǵa deiin qazaq álipbiiniń jańa grafikadaǵy biryńǵai nusqasy qabyldanady. Odan keiin jańa álipbi úiretetin mamandar men oqýlyqtar daiyndalady. Odan keiingi jeti jyl az ýaqyt emes, jeti jylda latyn jazýynyń negizi qalanady.
«Tilderdi damytý komitetimen birge, latyn álipbiin engizýge elimizdegi birqatar mekemeleri atsalysady. Atap aitqanda, A.Baitursynov atyndaǵy til institýty, Shaisultan Shaiahmetov atyndaǵy tilderdi oqytý ádistemelik ortalyǵy jáne óńirlerdegi memlekettik tildi jáne etnos tilderin oqytatyn 88 ortalyq. Sol mekemeler arqyly jańa álipbidiń biregei nusqasy bekitilip, irgesi qalanyp, oqý ortalyqtaryna taralady», - dedi ol.
.jpeg)