Foto:elements.envato.com
Qazgidromet aldaǵy úsh kúnge arnalǵan aýa raiy boljamyn usyndy, - dep habarlaidy "Ult aqparat".
Sinoptikter málimetinshe, aldaǵy úsh táýlikte respýblikanyń basym bóliginde aýa-raiynyń turaqsyz sipaty saqtalady.
"Naizaǵai oinap, ekpindi jel soǵyp, jańbyr jaýady, sondai-aq burshaq túsýi múmkin.
Eldiń soltústik-batysynda, soltústiginde, ońtústiginde jáne ońtústik-shyǵysynda qatty jańbyr men aýa temperatýrasynyń odan ári tómendeýi boljanyp otyr.
Aýa temperatýrasynyń eń úlken tómendeýi respýblikanyń soltústiginde kútiledi, onda aýa temperatýrasy túngi ýaqytta 5-10 gradýs, kúndiz 10-18 gradýs jyly bolady" - delingen habarlamada.
Tek Qazaqstannyń batysynda, joǵary atmosferalyq qysym órisiniń áserinen jaýyn-shashynsyz aýa raiy, sondai-aq kúndiz aýa temperatýrasynyń birtindep 25-30 jylýǵa deiin kóterilýi boljanady.
