Nur-Sultan qalasynyń ortasyndaǵy Memlekettik tý Almaty mańynda ushaq apatynan qaza bolǵandardy aza tutý kúnine orai tómen túsirildi, dep habarlaidy "Ult aqparat".
Qazaqstannyń eń úlken týy elorda ortalyǵynda «Atameken» etno-memorialdyq kesheni aýmaǵynda ornatylǵan.
Onyń resmi ashylýy on jyl buryn elorda kúnin merekeleý aiasynda ótti. Týdyń kólemi – 450 sharshy metr, al salmaǵy 100 kilogramm tartady.
Eni 15, uzyndyǵy 30 metrlik eldiń bas týy jai kúnderi 111 metr biiktikke kóteriledi.
1991 jyldan bastap Táýelsizdik alǵannan beri Qazaqstan tarihynda ulttyq aza tutý kúni segiz ret jariialandy.
Eske sala ketsek, 27 jeltoqsanda Almatydan Nur-Sultanǵa baǵyt alǵan Bek Air áýe kompaniiasynyń ushaǵy apatqa ushyraǵan bolatyn.
Osy oqiǵaǵa bailanysty QR Prezidenti Qasym-Jomart Toqaev 2019 jyldyń 28 jeltoqsanyn jalpyulttyq aza tutý kúni dep jariialady.
