QR Densaýlyq saqtaý vitse-ministri – Bas memlekettik sanitar dáriger Erlan Qiiasov vaktsina saldyrdy jáne egýden keiingi hal-jaǵdaiyn aitty, dep habarlaidy «Ult aqparat».
«Eshqandai qolaisyzdyq sezip turǵan joqpyn. Eń aldymen vaktsina alatyn adamdy dáriger tekseredi, anamnez alynady. Dene qyzýy, qan qysymy, jutqynshaq tekseriledi. Sodan keiin dáriger ol adamǵa vaktsina salýǵa ruqsat beredi. Patsient erikti túrde vaktsina alatyny týraly aqparattyq kelisimge qol qoiady. Eger ol barlyq protsedýralarmen kelisse, 21 kúnnen keiin vaktsinanyń ekinshi kezeńine de kelýi kerek», - dedi Erlan Qiiasov №6 qalalyq emhanada tilshilerge bergen suhbatynda.
Onyń aitýynsha, barlyq kezeńde barlyq jaýapkershilik emdeý mekemelerine júkteledi.
«Barlyq jaýapkershilik ortaq bolady. Árine, densaýlyq saqtaý ministrligi ár jaǵdaidy derbes qarastyrady. Árbir óńirlik densaýlyq saqtaý basqarmasynyń janynan airyqsha reaktsiia sekildi jaǵdailardy tekseretin arnaiy komissiialar qurylady», - dep túsindirdi bas sanitar dáriger.
Aita keteiik, búgin Qazaqstanda koronavirýs infektsiiasyn juqtyrý jáne taratý táýekeli joǵary sanattardy koronavirýsqa qarsy vaktsinalaý bastaldy. Qazaqstanda vaktsina erikti túrde salynady.
Elordadaǵy №6 qalalyq emhanada QR Densaýlyq saqtaý vitse-ministri – Bas memlekettik sanitar dáriger Erlan Qiiasov pen Densaýlyq saqtaý vitse-ministri Ajar Ǵiniiat koronavirýsqa qarsy vaktsina saldyrdy.
