Qazaqstannyń aýyr atletika federatsiiasy ulttyq qurama doping qoldanǵan sportshylar úshin Anahaimada (AQSh) ótetin 2017 jylǵy álem chempionatyna qatystyrylmaidy delingen qaýesetterge qatysty málimdeme jasady, - dep habarlaidy kaz.vesti.kz.
"Qazaqstannyń aýyr atletika federatsiiasy Qazaqstan quramasynyń bir jylǵa shettetilgeni jaily málimettiń shyndyqqa janaspaitynyn habarlaidy", - delingen málimdemede.
Sonymen qatar, 2016 jyldyń 22-24 maýsymy aralynda Halyqaralyq aýyr atletika federatsiiasynyń Atqarý komiteti men Kongresiniń otyrysy ótkeni aitylady. Onyń barysynda IWF sportshylary Beijiń (2008) men Londonda (2012) antidoping zańnamasyn buzǵan ulttyq federatsiialarǵa qandai jańa shara qoldanylatyny aitylǵan. Sóitip, bul otyrysta sportshylary andidoping zańnamasyn úsh nemese odan kóp buzǵan elderdi bir jylǵa shettetý týraly sheshim qabyldanǵan eken. Alaida bul sheshim kúshine enbegeni aitylyp otyr.
QR AAF bas hatshysy Omar Mustafinniń aitýynsha, bul sheshim elderdiń osy kategoriiasyn Braziliiadaǵy 2016 jylǵy Olimpiadaǵa qatysýyna kedergi keltiretin bolǵan. Osy sebepti de Reseidiń aýyr atletika federatsiiasy Rio-de-Janeirodaǵy jarysqa jiberilmepti. Alaida, Qazaqstannyń aýyr atletika federatsiiasy 2014 jyly tolyqtai jańarǵan soń halyqaralyq komissiiaǵa taza sportty damytý jáne jańa antidoping sharalarynyń qoldanylýy boiynsha jańa kúsh salýlardyń tiimdiligin dáleldei alǵan.
"Qorytyndysynda elimizdiń aýyr atletika federatsiiasy Rio-de-Janeirodaǵy Olimpiadaǵa qatysa aldy, qazaqstandyq sportshylar tamasha jetistikke jetti, alty medaldiń bireýi altyn, bireýi kúmis jáne tórteýi qola. Qazaqstandyq qurama medaldar esebinen Qytai komandasyna ǵana jol berip, ekinshi oryn aldy. Búginde Qazaqstannyń aýyr atletika federatsiiasy dopingke nóldik tózimdilik ustanymyn qoldaidy jáne óńirlerdegi ishki jáne halyqaradyq sórelerde óner kórsetetin atletterdiń antidoping erejelerin saqtaýyn erekshe baqylaýda ustaidy. Jyl saiyn ulttyq qurama ókilderimen jáne jastarmen doping máselesi jaiynda ondaǵan seminar men júzdegen áńgime sharalary júrgiziledi. Onyń nátijesin búgin kórip otyrmyz. 2016 jyldan basyan beri qazaqstandyq atletterden halyqaralyq sórelerde birde-bir doping tapqan jaǵdai kezdespedi", - dedi Mustafin.
Bas hatshynyń aitýynsha, búginde toǵyz federatsiiany bir jyldyq shekteý máselesi áli de sheshilmedi. Bul máselede sońǵy sheshim 2017 jyldyń 30 qyrkúieginde Býhareste aitylady dep kútiledi. Munda IWF Atqarý komitetiniń kezekten tys otyrysy ótedi.
Degenmen, Mustafin Qazaqstannyń aýyr atletika federatsiiasynyń IWF shyǵarǵan kez kelgen sheshimdi qabyldaitynyn jáne oryndaitynyn aitady. Alaida ol shettetý tiimdi shara emes degen oida.
Eske salaiyq, munyń aldynda Aýyr atletikadan Qazaqstan quramasyna doping erejebuzýshylyqtaryna bailanysty Anahaimada ótetin 2017 jylǵy álem chempionatyna qatysýǵa tyiym salynatyny habarlanǵan edi. azaqstan Olimpiada oiyndarynda kóptegen doping erejebuzýshylyqtaryna bailanysty álem chempionatyna qatysý múmkindiginen aiyrylǵan toǵyz komandanyń qatarynda. Qalǵan segiz el: Resei, Qytai, Belarýs, Ázirbaijan, Armeniia, Túrkiia, Ýkraina jáne Moldaviia.
Osy atalǵan quramalarda Beijińdegi jáne Londondaǵy Olimpiada oiyndarynda doping-synamalaryn qaita tekserý nátijesinde kemi úsh atlettiń aǵzasynda tyiym salynǵan preparattar tabylǵan. Resei quramasynda 10 atlettiń dopingpen ustalǵany aitylady.
