Qazaqstannyń altyn valiýta rezervi 2017 jyldyń kúzinen bergi eń joǵarǵy kórsetkishke jetti. Bul týraly QR Ulttyq banki tóraǵasynyń orynbasary Áliia Moldabekova aitty, dep habarlaidy "Ult aqparat".
«Altyn valiýta rezerviniń deńgeii mamyrda $950 mln dollarǵa ósip, $31,5 mlrd dollar boldy. Bul erkin konvertirlenetin valiýtalar aktivi óskendikten bolyp otyr. Sonymen qatar, Ulttyq banktegi ekinshi deńgeili bankterdiń qarjysy artqan. Sondai-aq, ulttyq qorǵa altyn rezervter josparly túrde satylǵan», - dedi ol.
Mamyrda Ulttyq bank Ulttyq qorǵa quny 250 mln dollar bolatyn affinirlengen altyn satqan.
Aita ketý kerek, Ulttyq qordyń aktivteri shamaly ǵana ózgergen. Mamyrdyń sońynda qordyń naryqtyq quny $58,48 mlrd bolǵan. Bul aida Ulttyq qordan 650 mln teńge transfert bólingen.
«Ulttyq qordan shyqqan shyǵyn investitsiialyq tabyspen tolyq qaita jabyldy. Ulttyq qordyń investitsiialyq tabysy 670 mln dollar boldy», - dedi Áliia Moldabekova.
