قازاقستاننىڭ التىن ۆاليۋتا رەزەرۆٸ 2017 جىلدىڭ كٷزٸنەن بەرگٸ ەڭ جوعارعى كٶرسەتكٸشكە جەتتٸ. بۇل تۋرالى قر ۇلتتىق بانكٸ تٶراعاسىنىڭ ورىنباسارى ەلييا مولدابەكوۆا ايتتى, دەپ حابارلايدى "ۇلت اقپارات".
«التىن ۆاليۋتا رەزەرۆٸنٸڭ دەڭگەيٸ مامىردا $950 ملن دوللارعا ٶسٸپ, $31,5 ملرد دوللار بولدى. بۇل ەركٸن كونۆەرتيرلەنەتٸن ۆاليۋتالار اكتيۆٸ ٶسكەندٸكتەن بولىپ وتىر. سونىمەن قاتار, ۇلتتىق بانكتەگٸ ەكٸنشٸ دەڭگەيلٸ بانكتەردٸڭ قارجىسى ارتقان. سونداي-اق, ۇلتتىق قورعا التىن رەزەرۆتەر جوسپارلى تٷردە ساتىلعان», - دەدٸ ول.
مامىردا ۇلتتىق بانك ۇلتتىق قورعا قۇنى 250 ملن دوللار بولاتىن اففينيرلەنگەن التىن ساتقان.
ايتا كەتۋ كەرەك, ۇلتتىق قوردىڭ اكتيۆتەرٸ شامالى عانا ٶزگەرگەن. مامىردىڭ سوڭىندا قوردىڭ نارىقتىق قۇنى $58,48 ملرد بولعان. بۇل ايدا ۇلتتىق قوردان 650 ملن تەڭگە ترانسفەرت بٶلٸنگەن.
«ۇلتتىق قوردان شىققان شىعىن ينۆەستيتسييالىق تابىسپەن تولىق قايتا جابىلدى. ۇلتتىق قوردىڭ ينۆەستيتسييالىق تابىسى 670 ملن دوللار بولدى», - دەدٸ ەلييا مولدابەكوۆا.
