Ulttyq bank tóraǵasynyń orynbasary Áliia Moldabekova altyn valiýta aktivteri jaiynda aityp berdi, dep habarlaidy "Ult aqparat".
Qazanda altynnyń baǵasy tómendeý traektoriiasyn jalǵastyrdy jáne bir aida bir ýntsiia úshin 1883,4 dollardan 1875,8 dollarǵa nemese 0,4%-ǵa tómendedi. Baǵaly metaldar naryǵyndaǵy negizgi anyqtaýshy faktor AQSh-taǵy sailaýǵa qatysty belgisizdik boldy.
«Altyn baǵasynyń tómendeýi is júzinde QR Ulttyq bankiniń altyn portfeline áser etpegenin aita ketken jón, óitkeni ol basym quqyqty iske asyrý sheńberinde otandyq altyndy satyp alýmen rettelgen bolatyn. Qazannyń sońynda Ulttyq Banktiń altyn portfeli 23,2 mlrd dollardy qurady.Degenmen, aldyn ala derekter boiynsha altynvaliýta aktivteri bir aida 200 mln dollarǵa qysqaryp, qazannyń sońynda 33,6 mlrd dollardy qurady»,– dep atap Ulttyq bank tóraǵasynyń orynbasary.
Áliia Moldabekovanyń aitýynsha, altynvaliýta aktiviniń tómendeýi negizinen shamamen 90 mln dollar kóleminde memlekettik boryshty tóleýge jáne 91,3 mln dollar kóleminde valiýtalyq interventsiia júrgizýge bailanysty boldy.
