ۇلتتىق بانك تٶراعاسىنىڭ ورىنباسارى ەلييا مولدابەكوۆا التىن ۆاليۋتا اكتيۆتەرٸ جايىندا ايتىپ بەردٸ, دەپ حابارلايدى "ۇلت اقپارات".
قازاندا التىننىڭ باعاسى تٶمەندەۋ تراەكتوريياسىن جالعاستىردى جەنە بٸر ايدا بٸر ۋنتسييا ٷشٸن 1883,4 دوللاردان 1875,8 دوللارعا نەمەسە 0,4%-عا تٶمەندەدٸ. باعالى مەتالدار نارىعىنداعى نەگٸزگٸ انىقتاۋشى فاكتور اقش-تاعى سايلاۋعا قاتىستى بەلگٸسٸزدٸك بولدى.
«التىن باعاسىنىڭ تٶمەندەۋٸ ٸس جٷزٸندە قر ۇلتتىق بانكٸنٸڭ التىن پورتفەلٸنە ەسەر ەتپەگەنٸن ايتا كەتكەن جٶن, ٶيتكەنٸ ول باسىم قۇقىقتى ٸسكە اسىرۋ شەڭبەرٸندە وتاندىق التىندى ساتىپ الۋمەن رەتتەلگەن بولاتىن. قازاننىڭ سوڭىندا ۇلتتىق بانكتٸڭ التىن پورتفەلٸ 23,2 ملرد دوللاردى قۇرادى.دەگەنمەن, الدىن الا دەرەكتەر بويىنشا التىنۆاليۋتا اكتيۆتەرٸ بٸر ايدا 200 ملن دوللارعا قىسقارىپ, قازاننىڭ سوڭىندا 33,6 ملرد دوللاردى قۇرادى»,– دەپ اتاپ ۇلتتىق بانك تٶراعاسىنىڭ ورىنباسارى.
ەلييا مولدابەكوۆانىڭ ايتۋىنشا, التىنۆاليۋتا اكتيۆٸنٸڭ تٶمەندەۋٸ نەگٸزٸنەن شامامەن 90 ملن دوللار كٶلەمٸندە مەملەكەتتٸك بورىشتى تٶلەۋگە جەنە 91,3 ملن دوللار كٶلەمٸندە ۆاليۋتالىق ينتەرۆەنتسييا جٷرگٸزۋگە بايلانىستى بولدى.
