Sýret: aqmeshit-aptalygy.kz
Búgin úkimet otyrysynda Ekologiia jáne tabiǵi resýrstar ministri Erlan Nysanbaev Qazaqstannyń qai óńirlerin sý basý qaýipi bar ekenin aitty, dep habarlaidy Ult.kz.
Ministrdiń sózinshe 11 naýryzdaǵy jaǵdai boiynsha el aýmaǵynyń 71 protsenti qar jamylǵan, bul ótken aptamen salystyrǵanda 15 %-ke az.
Elimizdiń ońtústigindegi: Qyzylorda, Túrkistan jáne Jambyl oblystarynda, batysyndaǵy: Batys Qazaqstan, Atyraý jáne Mańǵystaý oblystarynda qar erip jatyr.
"Naýryz aiynda temperatýranyń kóterilýi men jańbyr túrindegi qatty jaýyn-shashyn bolǵan jaǵdaida taý ózenderinde erigen qar sýynyń áserinen joǵary tasqyn júrýi múmkin. Ortalyq, soltústik jáne shyǵys aimaqtarda qar jinalý úrdisi jalǵasýda, naýryz aiynda jaýyn-shashyn mólsheri ailyq normadan eki jáne odan da kóp túsýi kútiledi. Mysaly, Astanada ailyq jaýyn-shashyn mólsheri birinshi onkúndikte ǵana túsip úlgerdi", -deidi Nysanbaev.
Ministrdyń aitýynsha Naýryz jáne sáýir ailary ádettegiden jylyraq bolady dep kútilýde, sondai-aq elimizdiń basym bóliginde jaýyn-shashyn mol bolady, bul kóktemniń tez kelýine jáne sý tasqyny qaýpiniń artýyna yqpal etedi.
Qaýiptiligi joǵary aimaqtar: Aqtóbe, Qostanai, Ulytaý, Abai, Qaraǵandy, Aqmola, Soltústik Qazaqstan jáne Shyǵys Qazaqstan oblystary.
Qaýiptiligi ortasha aimaqtar: Almaty, Jetisý, Jambyl, Batys Qazaqstan jáne Atyraý oblystary.
Qaýiptiligi tómen aimaqtar: Pavlodar, Mańǵystaý, Túrkistan jáne Qyzylorda oblystary.
"Biyl Qazgidromet alǵash ret ár oblys boiynsha egjei-tegjeili anyqtamalar daiyndady. Bul anyqtamalarda gidrologiialyq beketter boiynsha sý deńgeiiniń jáne aǵysynyń kútiletin eń joǵary mánderi, aǵyn kólemi jáne sondai-aq qaýip aimaǵynda ornalasqan eldi mekenderdi belgilei otyryp, boljamdy bastalý kúnderi kórsetiledi. Sondai-aq, ótken aptadan bastap Qazgidromet apta saiynǵy gidrologiialyq boljamdardy (ár jumada) shyǵara bastady. Gidrometeorologiialyq ahýal kúrt ózgergen jaǵdaida «Qazgidromet» daýyldy eskertýlerdi 2-3 táýlik buryn habarlaityn bolady", -dedi Eran Nysanbaev.
