© Sputnik / Bolat Shaihinov
Syrtqy ister ministrligi jáne elimizdiń Ýkraina, Polsha, Moldova, Belarýs pen Reseidegi diplomatiialyq mekemeleri qazaqstandyq azamattardy Ýkrainadan otanyna qaitarýdy uiymdastyrý boiynsha jumysty jalǵastyryp jatyr, - dep habarlaidy "Ult aqparat" vedomstvonyń baspasóz qyzmetine silteme jasap.
SIM málimetinshe, Ýkraina men Polshanyń memlekettik organdarymen jasalǵan ýaǵdalastyqtar aiasynda Qazaqstannyń 80 azamaty úshin vizasyz jáne PTR testileýsiz shekaradan ótý qamtamasyz etildi jáne olar evakýatsiialyq reisti kútý úshin Katovitse qalasynda (Polsha) ornalastyryldy.
Odan bólek, 260 adam qazaqstandyq diplomattarmen birge Ýkraina-Polsha shekarasynda tur jáne ony ótý úshin óz kezegin kútip jatyr.
"QR dipókildikteriniń qyzmetkerleri Ýkraina jáne Polsha taraptarynyń shekarasynda ornalasqan jáne týyndaǵan máselelerdi sheshý úshin jumys istep jatyr. Ministrlik otandastarymyzdy Polshaǵa tezirek jetkizý jáne ári qarai olardy Qazaqstanǵa aparý úshin barlyq qajetti sharalardy qabyldap jatyr. Ýkrainadaǵy Qazaqstan azamattarynyń ótinishteri úshin Qazaqstannyń Kievtegi Elshiliginde jáne QR SIM-de "jedel jeli" ashylǵanyn, bul jumysqa Dnepr, Lvov, Odessa men Harkov qalalaryndaǵy QR Qurmetti konsýldary jumyldyrylǵanyn eske salamyz. Kievtegi QR Elshiligi kúsheitilgen rejimde óz jumysyn jalǵastyryp jatyr jáne búginde diplomattardyń kómegimen Qazaqstanǵa oralǵysy keletin tulǵalardan 631 ótinim tirkedi", - delingen habarlamada.
Alǵashqy repatriatsiialyq reis 27 aqpanda QR azamattarynyń negizgi bóligi Katovitse qalasyna kelgennen keiin júzege asyrylady.
Aldaǵy ýaqytta basqa da repatriatsiialyq reister uiymdastyrý josparlanǵan. Osyǵan bailanysty ministrlik ókilderi Ýkrainanyń ártúrli qalalaryndaǵy qazaqstandyqtardan Qazaqstan Respýblikasynyń Kievtegi Elshiligine habarlasýdy jáne óziniń ornalasqan jeri týraly habarlaýdy surady. Múmkindik bolǵan jaǵdaida, Polsha shekarasyna deiin uiymdasqan túrde jetý úshin Lvov nemese Kiev qalalaryna óz kúshimen barýdy usyndy.
"Jol-kólik jaǵdaiynyń kúrdeli bolýyna jáne Ýkrainadaǵy áskeri áreketterdiń jalǵasýyna bailanysty bul qiyndyq týdyrý múmkin. Mundai jaǵdaida ózderińiz ornalasqan mekenderińizde qalýdy, QR Elshiligimen jáne Qurmetti konsýldyqtarymen únemi bailanysta bolýdy suraimyz. Jaǵdai anyqtalǵannan keiin azamattarymyzǵa barlyq qajetti kómek kórsetiledi. Budan basqa QR SIM "Atameken" UKP-men birlesip, Ýkraina aýmaǵynda qalǵan aýyr júk tasýshylardyń júrgizýshileri - QR azamattary týraly aqparat jinaý boiynsha qajetti jumys júrgizip jatyr jáne bolý oryndardaǵy jaǵdaidy eskere otyryp, olardyń shyǵý joldaryn pysyqtap jatyr", - delingen habarlamada.
