© Sputnik / بولات شايحينوۆ
سىرتقى ٸستەر مينيسترلٸگٸ جەنە ەلٸمٸزدٸڭ ۋكراينا, پولشا, مولدوۆا, بەلارۋس پەن رەسەيدەگٸ ديپلوماتييالىق مەكەمەلەرٸ قازاقستاندىق ازاماتتاردى ۋكراينادان وتانىنا قايتارۋدى ۇيىمداستىرۋ بويىنشا جۇمىستى جالعاستىرىپ جاتىر, - دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
سٸم مەلٸمەتٸنشە, ۋكراينا مەن پولشانىڭ مەملەكەتتٸك ورگاندارىمەن جاسالعان ۋاعدالاستىقتار اياسىندا قازاقستاننىڭ 80 ازاماتى ٷشٸن ۆيزاسىز جەنە پتر تەستٸلەۋسٸز شەكارادان ٶتۋ قامتاماسىز ەتٸلدٸ جەنە ولار ەۆاكۋاتسييالىق رەيستٸ كٷتۋ ٷشٸن كاتوۆيتسە قالاسىندا (پولشا) ورنالاستىرىلدى.
ودان بٶلەك, 260 ادام قازاقستاندىق ديپلوماتتارمەن بٸرگە ۋكراينا-پولشا شەكاراسىندا تۇر جەنە ونى ٶتۋ ٷشٸن ٶز كەزەگٸن كٷتٸپ جاتىر.
"قر ديپٶكٸلدٸكتەرٸنٸڭ قىزمەتكەرلەرٸ ۋكراينا جەنە پولشا تاراپتارىنىڭ شەكاراسىندا ورنالاسقان جەنە تۋىنداعان مەسەلەلەردٸ شەشۋ ٷشٸن جۇمىس ٸستەپ جاتىر. مينيسترلٸك وتانداستارىمىزدى پولشاعا تەزٸرەك جەتكٸزۋ جەنە ەرٸ قاراي ولاردى قازاقستانعا اپارۋ ٷشٸن بارلىق قاجەتتٸ شارالاردى قابىلداپ جاتىر. ۋكرايناداعى قازاقستان ازاماتتارىنىڭ ٶتٸنٸشتەرٸ ٷشٸن قازاقستاننىڭ كيەۆتەگٸ ەلشٸلٸگٸندە جەنە قر سٸم-دە "جەدەل جەلٸ" اشىلعانىن, بۇل جۇمىسقا دنەپر, لۆوۆ, ودەسسا مەن حاركوۆ قالالارىنداعى قر قۇرمەتتٸ كونسۋلدارى جۇمىلدىرىلعانىن ەسكە سالامىز. كيەۆتەگٸ قر ەلشٸلٸگٸ كٷشەيتٸلگەن رەجيمدە ٶز جۇمىسىن جالعاستىرىپ جاتىر جەنە بٷگٸندە ديپلوماتتاردىڭ كٶمەگٸمەن قازاقستانعا ورالعىسى كەلەتٸن تۇلعالاردان 631 ٶتٸنٸم تٸركەدٸ", - دەلٸنگەن حابارلامادا.
العاشقى رەپاترياتسييالىق رەيس 27 اقپاندا قر ازاماتتارىنىڭ نەگٸزگٸ بٶلٸگٸ كاتوۆيتسە قالاسىنا كەلگەننەن كەيٸن جٷزەگە اسىرىلادى.
الداعى ۋاقىتتا باسقا دا رەپاترياتسييالىق رەيستەر ۇيىمداستىرۋ جوسپارلانعان. وسىعان بايلانىستى مينيسترلٸك ٶكٸلدەرٸ ۋكراينانىڭ ەرتٷرلٸ قالالارىنداعى قازاقستاندىقتاردان قازاقستان رەسپۋبليكاسىنىڭ كيەۆتەگٸ ەلشٸلٸگٸنە حابارلاسۋدى جەنە ٶزٸنٸڭ ورنالاسقان جەرٸ تۋرالى حابارلاۋدى سۇرادى. مٷمكٸندٸك بولعان جاعدايدا, پولشا شەكاراسىنا دەيٸن ۇيىمداسقان تٷردە جەتۋ ٷشٸن لۆوۆ نەمەسە كيەۆ قالالارىنا ٶز كٷشٸمەن بارۋدى ۇسىندى.
"جول-كٶلٸك جاعدايىنىڭ كٷردەلٸ بولۋىنا جەنە ۋكرايناداعى ەسكەري ەرەكەتتەردٸڭ جالعاسۋىنا بايلانىستى بۇل قيىندىق تۋدىرۋ مٷمكٸن. مۇنداي جاعدايدا ٶزدەرٸڭٸز ورنالاسقان مەكەندەرٸڭٸزدە قالۋدى, قر ەلشٸلٸگٸمەن جەنە قۇرمەتتٸ كونسۋلدىقتارىمەن ٷنەمٸ بايلانىستا بولۋدى سۇرايمىز. جاعداي انىقتالعاننان كەيٸن ازاماتتارىمىزعا بارلىق قاجەتتٸ كٶمەك كٶرسەتٸلەدٸ. بۇدان باسقا قر سٸم "اتامەكەن" ۇكپ-مەن بٸرلەسٸپ, ۋكراينا اۋماعىندا قالعان اۋىر جٷك تاسۋشىلاردىڭ جٷرگٸزۋشٸلەرٸ - قر ازاماتتارى تۋرالى اقپارات جيناۋ بويىنشا قاجەتتٸ جۇمىس جٷرگٸزٸپ جاتىر جەنە بولۋ ورىندارداعى جاعدايدى ەسكەرە وتىرىپ, ولاردىڭ شىعۋ جولدارىن پىسىقتاپ جاتىر", - دەلٸنگەن حابارلامادا.
