«Atameken» ulttyq kásipkerler palatasy basqarma tóraǵasynyń orynbasary Nariman Ábilshaiyqov eldegi elektrondy saýda qalai damyp kele jatqanyn aityp berdi, dep habarlaidy QazAqparat.
«2019 jyly «Atameken» ulttyq kásipkerler palatasy Saýda jáne integratsiia ministrligi men birlesip, «Internet eksporterlardyń mektebi» jobasy júzege asyryldy. Osynyń nátijesinde 2020 jyly Qazaqstannyń 50 kompaniiasy «Altyn tasymaldaýshy» mártebesimen «Alibaba» platformasyna engizildi», - dedi Nariman Ábilshaiyqov Saýda jáne integratsiia ministrliginiń alqa otyrysynda.
Ol sonymen qatar «Bastaý Biznes» jobasy aiasynda marketpleistaǵy saýdany júrgizý úshin kásipkerlerdi oqytatyn fintech.atameken.com platformasy qurylǵanyn málim etti.
«Biz óz elimizde bastaumarket.kz servisin qurdyq. Ol Etsy.com halyqaralyq saýda platformasyn meńgerýge berilgen ótinimderdi biriktiredi. Osy qyzmet arqyly qatysýshylarǵa marketingtik taldaý júrgizý, taýarlardy jobalaý jáne jyljytý boiynsha keńester, naryqty táýelsiz paidalanýǵa úiretý boiynsha qoldaý alýǵa múmkindik berildi», - dep qorytyndylady spiker.
