illiýstratsiialyq sýret
Elimizdiń 30 júk kóligi Ýkrainadan shyǵaryldy, taǵy 11 kólik Polsha shekarasyna qarai baǵyt aldy. Bul týraly IIDM baspasóz qyzmeti habarlady.
«2022 jylǵy 5 naýryzdaǵy jedel derekterge sáikes Ýkraina aýmaǵynda qalyp qoiǵan 57 avtokóliktiń 30-y shyǵaryldy. 27 júrgizýshi áli de Ýkraina aýmaǵynda qalyp otyr. Onyń ishinde 11 júrgizýshi qazirgi ýaqytta Ýkraina men Polsha shekarasyndaǵy Rava-rýsskaia (Ýkraina) – Grebene (Polsha) ótkizý beketine qarai jiberildi. Ári qarai olar Belarýs jáne Resei aýmaqtary arqyly elge bet túzeidi», delingen habarlamada.
