Qazaqstannyń 12 oblysynda koronavirýs juqtyrý deńgeii qaita ósip barady. Bul týraly Densaýlyq saqtaý ministrliginiń Sanitarlyq-epidemiologiialyq baqylaý komitetiniń tóraiymy Aijan Esmaǵambetova málim etti, dep habarlaidy "Ult aqparat".
«Qazaqstandaǵy epidemiologiialyq jaǵdaiǵa taldaý jasai otyryp, sońǵy aptada aldyńǵa aptadan qaraǵanda aýrý juqtyrý deńgeii 1,2 ese artqanyn atap ótemiz. Aýrý juqtyrý deńgeii respýblikanyń 12 óńirinde baiqalady», - dedi Aijan Esmaǵambetova OKQ-da ótken baspasóz máslihatynda.
Komitet basshysy sonymen birge oqýshylardyń koronavirýs juqtyrý jaǵdaiyna turaqty túrde monitoring júrgizilip kele jatqanyn atap ótti.
«Oqý jyly bastalǵaly beri oqýshylardyń arasynda 250 bala koronavirýs infektsiiasyn juqtyryp aldy. Olardyń ishinde kezekshi synypta oqityn balalardyń sany – 105 jaǵdai. Osy balalarmen qarym-qatynasta bolǵan 1426 adam anyqtaldy. Sol adamdardyń ishinde 19 kisiniń koronavirýs juqtyrǵany belgili boldy», - dedi ol.
Aijan Esmaǵambetova qashyqtan oqyp jatqan oqýshylardyń ishinde de virýs juqtyrǵandary tirkelgenin málim etti.
«Bul baǵytta juqtyrýdyń 145 jaǵdaiy tirkeldi. Olarmen bailanysta bolǵan 348 adam anyqtalyp, sonyń ishinde koronavirýs juqtyrǵan 22 adam belgili boldy», - dedi ol.
