قازاقستاننىڭ 12 وبلىسىندا كوروناۆيرۋس جۇقتىرۋ دەڭگەيٸ قايتا ٶسٸپ بارادى. بۇل تۋرالى دەنساۋلىق ساقتاۋ مينيسترلٸگٸنٸڭ سانيتارلىق-ەپيدەميولوگييالىق باقىلاۋ كوميتەتٸنٸڭ تٶرايىمى ايجان ەسماعامبەتوۆا مەلٸم ەتتٸ, دەپ حابارلايدى "ۇلت اقپارات".
«قازاقستانداعى ەپيدەميولوگييالىق جاعدايعا تالداۋ جاساي وتىرىپ, سوڭعى اپتادا الدىڭعا اپتادان قاراعاندا اۋرۋ جۇقتىرۋ دەڭگەيٸ 1,2 ەسە ارتقانىن اتاپ ٶتەمٸز. اۋرۋ جۇقتىرۋ دەڭگەيٸ رەسپۋبليكانىڭ 12 ٶڭٸرٸندە بايقالادى», - دەدٸ ايجان ەسماعامبەتوۆا وكق-دا ٶتكەن باسپاسٶز مەسليحاتىندا.
كوميتەت باسشىسى سونىمەن بٸرگە وقۋشىلاردىڭ كوروناۆيرۋس جۇقتىرۋ جاعدايىنا تۇراقتى تٷردە مونيتورينگ جٷرگٸزٸلٸپ كەلە جاتقانىن اتاپ ٶتتٸ.
«وقۋ جىلى باستالعالى بەرٸ وقۋشىلاردىڭ اراسىندا 250 بالا كوروناۆيرۋس ينفەكتسيياسىن جۇقتىرىپ الدى. ولاردىڭ ٸشٸندە كەزەكشٸ سىنىپتا وقيتىن بالالاردىڭ سانى – 105 جاعداي. وسى بالالارمەن قارىم-قاتىناستا بولعان 1426 ادام انىقتالدى. سول ادامداردىڭ ٸشٸندە 19 كٸسٸنٸڭ كوروناۆيرۋس جۇقتىرعانى بەلگٸلٸ بولدى», - دەدٸ ول.
ايجان ەسماعامبەتوۆا قاشىقتان وقىپ جاتقان وقۋشىلاردىڭ ٸشٸندە دە ۆيرۋس جۇقتىرعاندارى تٸركەلگەنٸن مەلٸم ەتتٸ.
«بۇل باعىتتا جۇقتىرۋدىڭ 145 جاعدايى تٸركەلدٸ. ولارمەن بايلانىستا بولعان 348 ادام انىقتالىپ, سونىڭ ٸشٸندە كوروناۆيرۋس جۇقتىرعان 22 ادام بەلگٸلٸ بولدى», - دەدٸ ول.
