«Qazaqstannyń 100 jańa esimin» anyqtaý úshin 100esim.el.kz saitynda onlain daýys berý qyzý júrip jatyr. Osy oraida «QazAqparat» tilshisi sport, ǵylym, mádeniet, biznes, meditsina jáne qoǵam kategoriialary boiynsha eń kóp daýys jinaǵan úzdik bestiktiń qatarynda kimder baryn anyqtap kórdi.
Eske sala ketsek, 100esim.el.kz saitynda onlain daýys berý 18 qazanda bastalǵan bolatyn. Jobaǵa tańdalǵan 302 adamnyń 32-si - mádeniet, 83 - qoǵam, 51 - biznes, 46 - meditsina, 47 - ǵylym jáne 43 - sport salasynyń ókilderi. Daýys berý 10 qarashada aiaqtalady.
Osy kúnge deiingi nátijeni saralasaq. Daýys berý bastalǵaly beri sport sanatynda Ásel Mustafina 504 daýyspen kósh aldynda kele jatyr. Odan keiingi oryndarda Serik Esmatov (375 daýys), Aqjúrek Tańatarov (252), Zúlfiia Ǵabidýllina (191), Baýyrjan Islamhan (174) tur.
Ǵylym salasynda 451 daýys jinaǵan Qýanysh Jumabekov 47 adamnyń arasynda birinshi orynda keledi. Qýanyshtan keiin Zarina Saýytbaeva (216) men Aibolat Estemirov (176) jaiǵasqan. Atalmysh sanatta «Qazaqstannyń 100 jańa esiminiń» qataryna enýge Maqsat Jabaǵin (164) men Janar Baiseiitovanyń da (161) múmkindigi bar.
Mádeniet pen biznes salasy boiynsha daýys berýshiler aitarlyqtai belsendilik tanytar emes. Mádeniet sanatynda úzdik bestikti Aleksei Ladochnikov (272), Erlan Baqtygerei (116), Malika Muhtarova (114), Ordabek Dúisen (206) men Svetlana Lýzina (99) quraidy. Al biznesmenderdiń aldyńǵy bestigine Raýan Kenjehanuly (134), Qairat Moldaseiitov (124), Baqtygúl Qasymova (88), Gennadii Zenchenko (77) men Ábdibek Poshkaev (72) engen.
Kópshilik qaýym aq halatty abzal jandarǵa alǵystaryn bergen daýystarymen bildirgisi kelip jatqan sekildi. Alty sala boiynsha eń kóp daýys jinaǵan úmitker de osy kategoriiada. Atap aitqanda, Almat Qodasbaev 1489 daýyspen qazirgi ýaqytta osy jobanyń eń birinshi ornynda tur. Áriptesteriniń izin ala Lázzat Aitqojina (1167), Jasan Zekeiuly (476), Bolatbek Baimahanov (371), Tileýberdi Qýandyqov (175) keledi.
Qoǵam salasyna da daýys berýshilerdiń qatary az emes. Ol saladaǵy Sembek Seidazimov 1373 daýys jinasa, odan keiingi tórttikti Orazaly Sársenov (529), Erjan Jumabek (434), Bekzat Altynbekov (418) pen Bahargúl Tólegen (326) tolyqtyrǵan.
