«قازاقستاننىڭ 100 جاڭا ەسٸمٸن» انىقتاۋ ٷشٸن 100esim.el.kz سايتىندا ونلاين داۋىس بەرۋ قىزۋ جٷرٸپ جاتىر. وسى ورايدا «قازاقپارات» تٸلشٸسٸ سپورت, عىلىم, مەدەنيەت, بيزنەس, مەديتسينا جەنە قوعام كاتەگورييالارى بويىنشا ەڭ كٶپ داۋىس جيناعان ٷزدٸك بەستٸكتٸڭ قاتارىندا كٸمدەر بارىن انىقتاپ كٶردٸ.
ەسكە سالا كەتسەك, 100esim.el.kz سايتىندا ونلاين داۋىس بەرۋ 18 قازاندا باستالعان بولاتىن. جوباعا تاڭدالعان 302 ادامنىڭ 32-سٸ - مەدەنيەت, 83 - قوعام, 51 - بيزنەس, 46 - مەديتسينا, 47 - عىلىم جەنە 43 - سپورت سالاسىنىڭ ٶكٸلدەرٸ. داۋىس بەرۋ 10 قاراشادا اياقتالادى.
وسى كٷنگە دەيٸنگٸ نەتيجەنٸ سارالاساق. داۋىس بەرۋ باستالعالى بەرٸ سپورت ساناتىندا ەسەل مۇستافينا 504 داۋىسپەن كٶش الدىندا كەلە جاتىر. ودان كەيٸنگٸ ورىنداردا سەرٸك ەسماتوۆ (375 داۋىس), اقجٷرەك تاڭاتاروۆ (252), زٷلفييا عابيدۋللينا (191), باۋىرجان يسلامحان (174) تۇر.
عىلىم سالاسىندا 451 داۋىس جيناعان قۋانىش جۇمابەكوۆ 47 ادامنىڭ اراسىندا بٸرٸنشٸ ورىندا كەلەدٸ. قۋانىشتان كەيٸن زارينا ساۋىتباەۆا (216) مەن ايبولات ەستەمٸروۆ (176) جايعاسقان. اتالمىش ساناتتا «قازاقستاننىڭ 100 جاڭا ەسٸمٸنٸڭ» قاتارىنا ەنۋگە ماقسات جاباعين (164) مەن جانار بايسەيٸتوۆانىڭ دا (161) مٷمكٸندٸگٸ بار.
مەدەنيەت پەن بيزنەس سالاسى بويىنشا داۋىس بەرۋشٸلەر ايتارلىقتاي بەلسەندٸلٸك تانىتار ەمەس. مەدەنيەت ساناتىندا ٷزدٸك بەستٸكتٸ الەكسەي لادوچنيكوۆ (272), ەرلان باقتىگەرەي (116), ماليكا مۇحتاروۆا (114), وردابەك دٷيسەن (206) مەن سۆەتلانا لۋزينا (99) قۇرايدى. ال بيزنەسمەندەردٸڭ الدىڭعى بەستٸگٸنە راۋان كەنجەحانۇلى (134), قايرات مولداسەيٸتوۆ (124), باقتىگٷل قاسىموۆا (88), گەنناديي زەنچەنكو (77) مەن ەبدٸبەك پوشكاەۆ (72) ەنگەن.
كٶپشٸلٸك قاۋىم اق حالاتتى ابزال جاندارعا العىستارىن بەرگەن داۋىستارىمەن بٸلدٸرگٸسٸ كەلٸپ جاتقان سەكٸلدٸ. التى سالا بويىنشا ەڭ كٶپ داۋىس جيناعان ٷمٸتكەر دە وسى كاتەگورييادا. اتاپ ايتقاندا, المات قوداسباەۆ 1489 داۋىسپەن قازٸرگٸ ۋاقىتتا وسى جوبانىڭ ەڭ بٸرٸنشٸ ورنىندا تۇر. ەرٸپتەستەرٸنٸڭ ٸزٸن الا لەززات ايتقوجينا (1167), جاسان زەكەيۇلى (476), بولاتبەك بايماحانوۆ (371), تٸلەۋبەردٸ قۋاندىقوۆ (175) كەلەدٸ.
قوعام سالاسىنا دا داۋىس بەرۋشٸلەردٸڭ قاتارى از ەمەس. ول سالاداعى سەمبەك سەيدازيموۆ 1373 داۋىس جيناسا, ودان كەيٸنگٸ تٶرتتٸكتٸ ورازالى سەرسەنوۆ (529), ەرجان جۇمابەك (434), بەكزات التىنبەكوۆ (418) پەن باحارگٷل تٶلەگەن (326) تولىقتىرعان.
