Ystambul áýejaiynda túrik tártip saqshylary jalǵan qujattarmen Qazaqstannan Iranǵa ótken belgili lańkes Serhat Ózeldi ustady, - dep habarlaidy Tengrinews.kz agenttigi Daily Sabah basylymyna silteme jasap.
Basylym málimetinshe, lańkes Ystambulǵa Tegerannan kelgen.
"Lańkes Iranǵa Qazaqstan arqyly jalǵan jeke kýálik jáne tólqujatpen ótken. Kúdikti qamaýǵa alyndy", - dep jazady basylym.
Serhat Ózeldiń lańkestik topqa Germaniiadan 2015 jyly qosylǵany anyqtaldy.
Túrkiia, AQSh, Ulybritaniia jáne EO elderinde 40 jyldan asa lańkestik top dep tanylǵan toptyń 40 myńnan asa adamnyń, sonyń ishinde áielder, balalar men sábilerdiń ólimine jaýapty ekeni atap ótildi.
Al CNN Turk arnasynyń habarlaýynsha, "Kendal-Nýman Amed" shaqyrý belgisi bar terrorist Serhat Ózel "jikshil terror uiymy PKK/KCK basshylarynyń biri Dýran Kalkannyń oń qoly".
Barlaý basqarmasy men lańkestikke qarsy bólimsheler birlesken operatsiia kezinde osy uiymnyń negizgi tulǵalarynyń biri Túrkiiaǵa Irannan áýe arqyly kiredi degen aqparat alǵan. Qaýipsizdik bólimsheleri lańkestiń izine túsip, PKK múshesiniń aldymen Astanaǵa jiberilgenin anyqtaǵan.
PKK/KCK - Kúrdistan jumysshy partiiasy, birneshe elderde terroristik uiym retinde tanylǵan. Ol negizinen, etnikalyq kúrdter turatyn Túrkiianyń ońtústik-shyǵysynyń táýelsizdigin jaqtaidy.
