ىستامبۇل ەۋەجايىندا تٷرٸك تەرتٸپ ساقشىلارى جالعان قۇجاتتارمەن قازاقستاننان يرانعا ٶتكەن بەلگٸلٸ لاڭكەس سەرحات ٶزەلدٸ ۇستادى, - دەپ حابارلايدى Tengrinews.kz اگەنتتٸگٸ Daily Sabah باسىلىمىنا سٸلتەمە جاساپ.
باسىلىم مەلٸمەتٸنشە, لاڭكەس ىستامبۇلعا تەگەراننان كەلگەن.
"لاڭكەس يرانعا قازاقستان ارقىلى جالعان جەكە كۋەلٸك جەنە تٶلقۇجاتپەن ٶتكەن. كٷدٸكتٸ قاماۋعا الىندى", - دەپ جازادى باسىلىم.
سەرحات ٶزەلدٸڭ لاڭكەستٸك توپقا گەرمانييادان 2015 جىلى قوسىلعانى انىقتالدى.
تٷركييا, اقش, ۇلىبريتانييا جەنە ەو ەلدەرٸندە 40 جىلدان اسا لاڭكەستٸك توپ دەپ تانىلعان توپتىڭ 40 مىڭنان اسا ادامنىڭ, سونىڭ ٸشٸندە ەيەلدەر, بالالار مەن سەبيلەردٸڭ ٶلٸمٸنە جاۋاپتى ەكەنٸ اتاپ ٶتٸلدٸ.
ال CNN Turk ارناسىنىڭ حابارلاۋىنشا, "كەندال-نۋمان امەد" شاقىرۋ بەلگٸسٸ بار تەرروريست سەرحات ٶزەل "جٸكشٸل تەررور ۇيىمى PKK/KCK باسشىلارىنىڭ بٸرٸ دۋران كالكاننىڭ وڭ قولى".
بارلاۋ باسقارماسى مەن لاڭكەستٸككە قارسى بٶلٸمشەلەر بٸرلەسكەن وپەراتسييا كەزٸندە وسى ۇيىمنىڭ نەگٸزگٸ تۇلعالارىنىڭ بٸرٸ تٷركيياعا يراننان ەۋە ارقىلى كٸرەدٸ دەگەن اقپارات العان. قاۋٸپسٸزدٸك بٶلٸمشەلەرٸ لاڭكەستٸڭ ٸزٸنە تٷسٸپ, پكك مٷشەسٸنٸڭ الدىمەن استاناعا جٸبەرٸلگەنٸن انىقتاعان.
PKK/KCK - كٷردٸستان جۇمىسشى پارتيياسى, بٸرنەشە ەلدەردە تەرروريستٸك ۇيىم رەتٸندە تانىلعان. ول نەگٸزٸنەن, ەتنيكالىق كٷردتەر تۇراتىن تٷركييانىڭ وڭتٷستٸك-شىعىسىنىڭ تەۋەلسٸزدٸگٸن جاقتايدى.
