2022 jylǵy 30 qyrkúiekke deiin Qazaqstan aýmaǵynan bidai men meslindi, bidai jáne qara bidai unyn áketýge kvotalar engizilip jatyr. Bul týraly Memlekettik kirister komiteti málimdedi, dep habarlaidy QazAqparat.
«Qazaqstan aýmaǵynan jekelegen taýarlardy áketýdiń keibir máseleleri týraly» Aýyl sharýashylyǵy ministriniń m.a. 2022 jylǵy 5 shildedegi buiryǵymen el aýmaǵynan úshinshi elderge jáne Eýraziialyq ekonomikalyq odaq elderine 550 000 tonna kóleminde bidai men meslindi (SEQ TN kody – 1001) jáne 370 000 tonna kóleminde bidai jáne qara bidai unyn (SEQ TN kody - 110100) áketýge sandyq shekteýler (kvotalar) engiziledi. Shekteýler 2022 jylǵy 8 shildeden bastap 30 qyrkúiekke deiin kúshinde bolmaq», - dep jazdy vedomstvo.
Bidai men meslindi, bidai jáne qara bidai unyn áketýge sandyq shekteýler el ishinde azyq-túlik qaýipsizdigin qamtamasyz etý maqsatynda qolǵa alyndy.
Bul rette buiryq qoldanysqa engizilgen kúnge deiin QR jáne EAEO kedendik zańnamasyna sáikes eksporttyń kedendik rásimi boiynsha ornalastyrylǵan jáne shyǵarylǵan taýarlar Qazaqstan Respýblikasynyń aýmaǵynan kedergisiz áketýge jatady.
