Foto: ashyq derekkóz
QMA Pavlodar oblysy boiynsha departament qyzmetkerleri jalpy quny 54 million teńge bolatyn 165 tonna kólemindegi AI-95 markaly benzini bar 3 vagon tsisternany «janarmai qospasy» degen jeleýmen elden zańsyz áketý deregin anyqtady, - dep habarlaidy "Ult aqparat" Qarjylyq monitoring agenttigine silteme jasap.
Sondai-aq, 89 mln teńge turatyn kólemi 280 tonna AI-95 markaly benzini bar 5 vagon tsisternany Ózbekstanǵa eksporttamaq bolǵan kezde sol kompaniia ustaldy.
Jalpy, atalǵan kompaniia Ózbekstan men Tájikstanǵa 90 million AQSh dollary kóleminde 100 myń tonnadan astam janar-jaǵarmai eksporttaýdy kózdegen.
"Seriktestik direktory óz kinásin tolyq moiyndady. Tárkilengen benzin quiylǵan tsisternalar memleket kirisine ainaldyryldy, buryn satylǵan benzinniń quny 54 mln teńge sottalǵannan memleket kirisine óndirildi.
Sot úkimimen JShS direktory kináli dep tanylyp, 3 (úsh) jylǵa shartty túrde bas bostandyǵynan aiyryldy" - delingen habarlamada.
