Foto: Gýstav Zyrianov
Qazaqstannan 33 million rýbl qolma-qol aqsha alyp ketpek bolǵandar ustaldy, - dep habarlaidy Tengrinews.kz saity "Alaý" basylymyna silteme jasap.
UQK Shekara qyzmetiniń Qostanai oblysy boiynsha departamentiniń málimetinshe, 17 sáýirde "Qairaq" avtomobil ótkizý pýnktinde qazaqstandyqtyń basqarýyndaǵy Toyota Land Cruiser 200 avtokóligin tekserý is-sharalary barysynda 33 million rýbl mólsherinde 404 858 dollarǵa teń aqshalai qarajat tabylǵan.
"QR Prezidentiniń 2022 jylǵy 14 naýryzdaǵy "Qazaqstan Respýblikasynyń qarjylyq turaqtylyǵyn qamtamasyz etý jónindegi sharalar týraly" Jarlyǵyna sáikes shetel valiýtasyn, altyn quimalar men monetalardy Qazaqstan Respýblikasynan áketýge tyiym salyndy. Atalǵan fakt boiynsha quzyretti organdar habardar etildi", - dep habarlady UQK ShQ Qostanai oblysy boiynsha departamenti.
