Qazaqstanǵa Úndistan men Reseiden dári-dármek jetkiziledi. Bul týraly Ortalyq kommýnikatsiialar qyzmetindegi brfing barysynda QR Densaýlyq saqtaý vitse-ministri Liýdmila Biýrabekova aitty, dep habarlaidy QazAqparat.
Qazaqstan aýmaǵynda paratsetamol da, quramynda paratsetamol bar preparattar da tirkelgen. Olar dárihanalarda qoljetimdi. Buǵan qosa «S» dárýmeni bar paketterde paratsetamol shyǵaratyn otandyq óndirýshiler bar. Bul preparat bólshek saýda jelisinde satylady. Budan bólek monitoring aiasynda anyqtalǵan qajetti barlyq dári-dármekterdi jetkizemiz. Búgin Úndistannan, Deliden bort keledi. Boljamǵa sáikes, ol búgin túnde Almatyǵa jetedi. Erteń bort Resei Federatsiiasyna jáne juma kúni qaitadan Delige attanady», - dedi vitse-ministr.
Onyń aitýynsha, bólshek saýda jelisi kásipkerlik sýbektilerge jatatyn jeke menshik 8 myńnan astam dárihanadan turady. Olardyń ótinimderin eshkim, onyń ishinde «SK-Farmatsiia» da teksermeidi. Olar ózderiniń boljamdaryna jáne satý kólemderiniń negizinde dári-dármekterdi kóterme distribiýtorlardan satyp alady.
«Búgingi tańda Biryńǵai distribiýtordyń satyp alýy aiasynda otandyq óndirýshilerden 59,8 mlrd teńge somasyna jáne importtyq óndirýshilerden 154,3 mlrd teńge somasyna dári-dármek satyp alyndy. Barlyq preparattar kepildi tegin meditsinalyq kómek kórsetetin statsionarlar men emhanalarǵa jetkiziledi», - dedi Liýdmila Biýrabekova.
