Qarýly Kúshterdiń jaýyngerlik quramy 4++ úlgidegi SÝ-30SM zamanaýi kóp fýnktsionaldy joiǵyshtarynyń kezekti partiiasymen tolyqty, - dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Óziniń ushý jáne taktika-tehnikalyq sipattamalary boiynsha búgingi tańda álemdik ǵylymi-tehnikalyq ilgerileýdiń shyńynda áýe qurastyrý salasyndaǵy 5-shi úlgidegi ushaqtarǵa shyndap jaqyndatylǵan.
Ushaq qarsylastyń aqparattyq jáne atyspen qarsy is-qimyl jasaý jaǵdaiynda táýlik boiy, kez kelgen aýa raiynda bazadan edáýir qashyqtyqta jaýyngerlik tapsyrmalardyń keń spektrin oryndaýǵa qabiletti. Sý-30SM áýe nysanalaryn, sondai-aq, jerústi jáne sýústi obektilerdi joiý boiynsha tapsyrmalardy sheshedi. Qarý-jaraqtyń keń túrimen jáne borttyq radioelektrondy qurylǵynyń zamanaýi keshenimen jabdyqtalǵan.
«Atalmysh joiǵyshty oidaǵydai meńgerý úshin tehnikanyń qyr-syryn jaqsy bilip, udaiy ózin-ózi jetildirip otyrý qajet. Bir jarym jyl ishinde ushqyshtar atalǵan ushaqty sátti igerdi. Buǵan dálel retinde birqatar oqý-jattyǵýlarǵa qatysýyn atap ótýge bolady. Sý jańa aviatsiialyq tehnikanyń jetkizilýi jalpy alǵanda, Qazaqstan Qarýly Kúshteriniń ushýlar qaýipsizdigi men qorǵanys qabilettiligin arttyrýǵa múmkindik beredi», - dep aviatsiialyq baza komandiriniń tárbie jáne ideologiialyq jumystar jónindegi orynbasary podpolkovnik Temirtas Ybyraev atap ótti.
Sý-30SM ushaqtarynyń alǵashqy partiiasy Qazaqstan Áskeri-áýe kúshteriniń jaraqtandyrylýyna 2015 jyly budan buryn Qazaqstan men Resei qorǵanys vedomstvolarynyń basshylary arasynda qol jetkizilgen ýaǵdalastyq sheńberinde kelip túskenin esterińizge sala keteiik.
Ult portaly
.jpeg)