25 jeltoqsanynda Qazaqstan Respýblikasynyń aýmaǵyna Aýstriia, Mysyr, Túrkiia, BAÁ, QHR, Grýziia, Resei, Belarýs jáne Ózbekstannan 20 halyqaralyq áýe reisi keldi, dep habarlaidy "Ult aqparat".
«2 285 áýe jolaýshylarynyń ishinde PTR-testileýdiń teris nátijesi bar anyqtamamen 2 079 adam, anyqtamasyz 206 QR azamattary keldi», - delingen Sanitariialyq-epidemiologiialyq baqylaý komiteti málimetinde.
Onyń ishinde:
Nur-Sultan qalasynyń áýejaiyna – 12 reis, 1 114 jolaýshy, anyqtamamen - 1 020, anyqtamasyz - 94;
Almaty qalasynyń áýejaiyna – 6 reis, 978 jolaýshy, anyqtamamen - 866, anyqtamasyz - 112;
Shymkent qalasynyń áýejaiyna – 1 reis, barlyq 153 jolaýshy anyqtamamen kelgen;
Aqtaý qalasynyń áýejaiyna – 1 reis, 40 jolaýshy anyqtamamen kelgen.
Anyqtamasyz kelgen Qazaqstan azamattary kelgen jerleri boiynsha COVID-19-ǵa PTR-taldaý ádisimen testilendi jáne karantindik statsionarlarda óz nátijelerin kútip jatyr.
«2020 jyldyń 24 jeltoqsanynda anyqtamasyz kelgen barlyq 330 Qazaqstan azamatynyń PTR-taldaýlary teris nátije kórsetti», - delingen habarlamada.
