Qazaqstan naryǵyna reseilik kadrlardyń jappai kelýi baiqalmaidy. Bul týraly QR Eńbek jáne halyqty áleýmettik qorǵaý ministri Serik Shápkenov aitty, dep habarlaidy QazAqparat.
«Qazirgi ýaqytta jiti baqylap otyrmyz. Búginde reseilik azamattardyń bizge jumys isteýge jappai kelýi baiqalmaidy», - dedi ol Úkimet otyrysynan keiin BAQ ókilderiniń saýalyna orai.
Sonymen qatar ministr mamandardyń jappai kelýi anyqtalǵan jaǵdaida Qazaqstan qandai is-shara qolǵa alatynyn aitty.
«Qazaqstan, Resei, Armeniia, Belarýs, Qyrǵyzstan bir ekonomikalyq odaqqa kiredi. Sondyqtan eńbek resýrstary esh kedergisiz aýysa alady. Bul - birtutas eńbek naryǵy. Qazir de, osy ýaqytqa deiin de olar bizge jumys isteýge emin-erkin kele aldy. Eńbek kúshi jappai kelse biz ne istei alamyz? Qabyldaityn is-sharamyz – bul jumys oryndaryn monitoringileý. Iaǵni, Jumyspen qamtý ortalyqtary arqyly eń aldymen, ózimizdiń azamattardy jumysqa ornalastyramyz», - dedi Serik Shápkenov.
Ministr eń aldymen bolashaqta qajet bolatyn mamandyqtardy aiqyndap alý qajettigine nazar aýdartty.
«Biz jastardyń 40 paiyzyna saýalnama júrgizdik jáne olar ózderiniń mamandyqtaryn tańdamaǵan bolyp shyqty. Reseidiń nemese Belarýstyń kez kelgen azamaty bizge jumys isteýge kele alady. Sol siiaqty bizdiń azamattardyń jumys isteýge barý múmkindigi bar», - dedi ol.
