Foto: elements.envato.com
Memleket basshysy Qasym-Jomart Toqaev Almaty oblysyna jumys sapary barysynda Reseiden ketken kompaniialardyń qonys aýdarýy týraly aitty, - dep habarlaidy Tengrinews.kz agenttigi Prezident baspasóz qyzmetine silteme jasap.
"Qazirgi ýaqytta Qazaqstanǵa Reseiden 50-den asa halyqaralyq kompaniia kóshti. Olardyń bárin iri qalalarda shoǵyrlandyrý tiimsiz. Ákimdik Almaty mańynda ÚAAAJ perimetri boiynsha mundai óndiristerdi ornalastyrýdy pysyqtaýy kerek, bul óńirdiń damýyna aitarlyqtai septigin tigizedi. Úkimetpen jáne kompaniialarmen osy máseleni talqylańyzdar", - dep tapsyrdy Memleket basshysy.
Qasym-Jomart Toqaev oblys ortalyǵy Almatyǵa qatysty "kontrmagnitke" ainalýy tiis ekenin aitty.
"Biz investorlarǵa jańa óndiris oryndaryn ashýǵa, onyń ishinde basqa elderden qonys aýdaratyndarǵa da barlyq jaǵdaidy jasaýymyz kerek. Sheteldik áriptestermen kedergisiz jáne úzilissiz saýdany qamtamasyz etý úshin bul máseleni qazirden bastap pysyqtaý qajet.
Oblysta birqatar iri eksporttaýshy kásiporyndar jumys isteidi, olardan negizgi salyq túsimderi túsedi. Biz olarǵa memlekettik qoldaý sharalaryn kórsetý arqyly óndirisin keńeitýge kómektesýimiz kerek. Ulttyq ekonomika jáne qarjy ministrlikteri bir ai ishinde usynystaryn engizýi kerek", - dep qosty ol.
Sondai-aq, Memleket basshysy Almaty oblysyndaǵy óńdeý ónerkásibine de toqtaldy. Qasym-Jomart Kemelulynyń aitýynsha, onyń úlesi elimizdegi eń joǵary kórsetkishterdiń biri jáne 90 paiyz bolady. Sonymen qatar búginde oblysta eki indýstrial aimaq jáne qurylý satysynda taǵy eki aimaq bar ekenin de eske saldy.
