"Ýralskaia nedelia" gazetiniń jýrnalisteri mobilizatsiiadan Oralǵa qashqan reseiliktermen suhbattasty, - dep habarlaidy Tengrinews.kz agenttigi.
Basylym keiipkerleriniń biri - Máskeýden 18, 23 jáne 26 jastaǵy úsh ulymen kelgen sheshen Ahmed. Olar shekaradan ótý úshin birneshe kún kútken, avtobýs júrgizýshisine tórteýi úshin 10 myń rýbl bergen.
Er adamnyń aitýynsha, ol Qazaqstanǵa kelgenine qýanyshty.
"Demalǵan soń, Túrkiiaǵa jol tartamyz", - dedi ol.
Ahmet Jambyl (qazirgi Taraz) qalasynda dúniege kelgen. Ol bir jasqa tolǵanda ata-anasy Sheshenstanǵa kóship ketti. Onyń aitýynsha, 24 aqpanda Pýtin Resei áskeriniń Ýkrainaǵa basyp kiretinin jariialaǵanda aýyryp qalǵan.
"Men 24 aqpannan beri jumysta áriptesterime bul soǵystyń abyroisyz ekenin ashyq aityp kelemin. Al ainalamdaǵy jastarǵa aitarym, sender saiasatqa qyzyǵýlaryń kerek, saiasatkerlerdiń ne istep jatqanyn bilýleriń kerek. Qazaqstanǵa soǵysqa qarsy passiv oppozitsiia keldi. Olar Pýtinniń saiasatyn qabyldamaidy. Ony qoldaityndar munda kelmedi. Al ol jaqta Reseide belsendi oppozitsiiany soiylmen uryp jatyr. Olar mitingilerde, túrmede otyr", - dedi Ahmed.
Ahmet Sheshenstandaǵy eki soǵystan aman qaldy. Ol jaralanǵan, snariad jarylysynan úisiz qalǵan. Ol Saratovta ómirin jańadan bastady.
"Resei Ýkrainamen de, ýkrainalyqtarmen de Sheshenstanmen birdei áreket etip jatyr. Men soǵystyń ne ekenin bilemin. Olar mobilizatsiia týraly habarlaǵan boida uldarymdy áketýge asyqtym, sol kezde olar túrli qalada edi. Máskeýden úlken uldarymdy, kishisin Saratovtan alyp kettim. Sonda úsh balam men áielim qaldy. Men uldarymnyń soǵysqa ketýine, ýkrainalyqtardy óltirýine nemese ólýine eshqashan jol bermeimin", - dedi er adam.
